સભિકસૌગતશાસનપ્રવ્રજ્યાવ્રતચરણપરિવર્ત · શ્લોક 41-60

ભો ભવન્તસ્ તયા સાર્ધં સંવાદં કર્તુમ્ ઉત્સહે ।
તદ્ એનાં સમુપાનીય દર્શયન્તુ પુરો મમ

ઇતિ તેન સમાખ્યાતં શ્રુત્વા તથેતિ તે જનાઃ ।
સહસા તત્રાશ્રમે ગત્વા તસ્યા યતેર્ ઉપાશ્રયન્

તાન્ વીક્ષ્ય સમુપાસીનાન્ સા પરિવ્રાજિકા મુદા ।
કિમર્થમ્ આગતા યૂયમ્ ઇતિ સંપર્યપૃચ્છત

તચ્ છ્રુત્વા તે જનાઃ સર્વે નત્વા સાંજલયો મુદા ।
તાં મહાધિયમ્ આપશ્યન્ માથુરા એવમ્ અબ્રુવન્

એકો ઽત્ર બ્રાહ્મણો વિદ્વાન્ સર્વશાસ્ત્રવિચક્ષણઃ ।
વેદાન્તપારગો વિજ્ઞો દક્ષિણાતઃ સમાગતઃ

તત્ તેન સહ સંવાદં કર્તું યદિ ત્વમ્ ઇચ્છસિ ।
સર્વલોકસભામધ્યે સ્વગુણં સંપ્રકાશય

શક્નોસિ યદિ વિજ્ઞેન સંવાદં કુરુ માનિનિ ।
પરાજિતા ચેત્ તેન ત્વં વયમ્ અપ્ય્ ઉપહાસ્યતાં

ઇતિ તૈર્ ઉક્તમ્ આકર્ણ્ય સા પરિવ્રાજિકા સુધીઃ ।
વાઢમ્ ઇચ્છામિ સંવાદં કર્તું તેન દ્વિજેન હિ

સર્વલોકસભામધ્યે દર્શયિષ્યામિ મદ્ગુણં ।
ઇતિ તયા સમુદિતં શ્રુત્વા સર્વે સવિસ્મયાઃ

સર્વેમે તત્ પ્રવૃત્તાન્તં રાજ્ઞઃ પુરો ન્યવેદયન્ ।
તત્ સમાકર્ણ્ય રાજા સ યથામૂભ્યાં પ્રભાષિતં

કારયત તથા યૂયમ્ ઇતિ તાન્ અવદજ્ જનાન્ ।
તદનુજ્ઞાં સમાસાદ્ય સર્વે તે મુદિતા જનાઃ

આમન્ત્ર્ય તજ્જનાન્ એતદ્ વૃત્તં પ્રોક્ત્વૈવમ્ ઊચિરે ।
પરિવ્રાજિકયા સાર્ધમ્ અમુયાપ્ય્ અતિવિજ્ઞયા

અમુકો બ્રાહ્મણો વિદ્વાન્ સંવાદં કર્તુમ્ ઇચ્છતિ ।
તચ્ છ્રોતું યે ઽભિવાઞ્ચ્છન્તિ જ્ઞાતું ચૈતદ્ વિશેષતાં

સર્વે તત્ર સમાયાન્તુ પુરે ઽતઃ સપ્તમે દિને ।
ઇતિ રાજ્ઞા સમાદિષ્ટં પ્રભાષન્તઃ સમન્તતઃ

ઘણ્ટાઘોષં સમુચ્ચાર્ય ચોદયત સતો જનાન્ ।
ઇતિ તત્કથિતં શ્રુત્વા સર્વે ઽપિ સજ્જના મુદા

તત્ર તે મુદિતાઃ સર્વે યથાદિષ્ટં મહીભૃતા ।
તથા ઘણ્ટાં સમુન્નાદ્ય સર્વાંલ્ લોકાન્ વ્યનોદયન્ ॥ સ્વ્પ્_*55* ॥
તથાહીતિ પ્રતિજ્ઞાય ઘણ્ટાઘોષમ્ અચારયન્ ।
તત્ સમાકર્ણ્ય સર્વે ઽપિ સજ્જના મથુરાશ્રિતાઃ

તદ્વિવાદં સમિચ્છન્તઃ શ્રોતું દ્રષ્ટું પ્રચેરિરે ।
તદા વિદ્યાકરો માની મનસૈવં વ્યચિન્તયત્

સા પરિવ્રાજિકા વિજ્ઞા કીદૃગ્વિદ્યાવિચક્ષણા ।
ઇતિ વિચિન્ત્ય સત્રસ્થસ્ તાં પરિવ્રાજિકાં સતીં

દ્રષ્ટું તત્રાશ્રમે ગત્વા લોકાન્ એવમ્ અપૃચ્છત ।
યા પરિવ્રાજિકા પ્રાજ્ઞા સા કા કુહસમાશ્રિતા

તાં ભવન્તઃ સમામન્ત્ર્ય સંદર્શયન્તુ મે દ્રુતં ।
ઇતિ તત્ કથિતં શ્રુત્વા તત્રાન્તિકસમાશ્રિતાઃ