સભિકસૌગતશાસનપ્રવ્રજ્યાવ્રતચરણપરિવર્ત · શ્લોક 162-181

તત્ર સ સમુપાશ્રિત્ય તસ્ય શાસ્તુર્ મહામુનેઃ ।
પ્રણત્વા ચરણામ્ભોજે સાઞ્જલિઃ સમુપાશ્રયત્

તત્ર સ સુપ્રસન્નાત્મા સાઞ્જલિઃ સ પુરઃ સ્થિતઃ ।
સંબુદ્ધં તં મહાભિજ્ઞં સંપશ્યન્ન્ એવમ્ અબ્રવીત્

ભગવન્સ્ તદ્ વિજાનીયાદ્ યદર્થે ઽહમ્ ઇહાવ્રજે ।
તદ્ ભવાન્ મે મનોવાઞ્છાં સંપૂરયિતુમ્ અર્હતિ

ઇતિ સંપ્રાર્થિતં તેન શ્રુત્વા સ ભગ્વાઞ્ જિનઃ ।
તં સભિકં સમાલોક્ય વિહસન્ન્ એવમ્ આદિશત્

શૃણુ સાધો મહાભાગ યદર્થે ત્વમ્ ઇહાગતઃ ।
તત્ તે સંપૂરયિષ્યામિ સમાખ્યાહિ સમીહિતં

ઇત્ય્ આદિષ્ટં મુનીન્દ્રેણ શ્રુત્વા સ સભિકો મુદા ।
ભગવન્તં તમ્ આલોક્ય સાઞ્જલિર્ એવમ્ અબ્રવીત્

ભગવન્ ભવતા પ્રાપ્તં કિં જ્ઞાનં કિં ચ તે વ્રતં ।
યત્ સંબુદ્ધો ભવાન્ ખ્યાત એતદ્ આદેષ્ટુમ્ અર્હતિ

ઇતિ તત્ પ્રાર્થિતં શ્રુત્વા સર્વમાનિમદાપહઃ ।
ભગવાન્ સભિકં દ્ર્ષ્ટ્વા તદ્ ઉત્તરમ્ ઉપાદિશત્

ઉત્તરં પ્રતિપૃચ્છસ્વ તદર્થં સભિક મદી ।
શિષ્યાણામ્ અગ્રતો ઽજ્ઞો ઽયં સ્વલ્પશિક્ષાપરિગ્રહાત્

ઇતિ સર્વજ્ઞવચનં શ્રુત્વા સભિક માનિકઃ ।
નિર્મદ ઉત્તરં વિજ્ઞં પપ્રચ્છ સાઞ્જલિઃ સ્મિતઃ

ભગવતાજ્ઞપિતસ્ ત્વં તદર્થં મે સમાદિશ ।
વિનયાદ્ અર્થિતસ્ તેન તદર્થમ્ ઉત્તરાદિશત્

કથમ્ અજ્ઞો ઽસિ સભિક સર્વવિદ્યાવિચક્ષણ ।
શ્રૂયતાં કથયિષ્યામિ સંક્ષેપાત્ સાવધાનતઃ

બોધિચર્યાવ્રતં ધૃત્વા સંપ્રાપ્ય બોધિમ્ ઉત્તમાં ।
સંબોધયતિ યઃ સર્વં સ સંબુદ્ધો નિગદ્યતે

મારાશ્રયં ગૃહં ત્યક્ત્વા નિષ્ક્લેશો વિજિતેન્દ્રિયઃ ।
સર્વસત્વહિતાર્થેન ચરતે યસ્ તપોવ્રતં

સો ઽર્હન્ ભિક્ષુર્ વિશુદ્ધાત્મા ચતુર્બ્રહ્મવિહારિકઃ ।
સદ્ધર્મશ્રાવકઃ સંઘઃ સ યોગી યતિર્ ઉચ્યતે

માયાભવં જગન્ મત્વા સ્વપરાત્મહિતાર્થભૃત્ ।
બોધિચર્યાવ્રતં ધૃત્વા ચરતે યો જગદ્ધિતે

સ શ્રમણો મહાભિજ્ઞો ભદ્રશ્રીસદ્ગુણાશ્રયઃ ।
બોધિસત્વો મહાસત્વઃ સર્વધર્માર્થભૃત્ સ્મૃતઃ

ઇત્ય્ ઉત્તરેણ સંદિષ્ટં શ્રુત્વા સ સભિકઃ પુનઃ ।
સાશ્ચર્ય ઉત્તરં વિજ્ઞં પ્રણત્વા ચ ન્યવેદયત્

ઉત્તરબ્રાહ્મણાઃ કે ચ સ્નાતકાશ્ ચ કથં દ્વિજાઃ ।
વૈદિકાશ્ ચ કથં વિપ્રાઃ શ્રોત્રિયાશ્ ચાપિ તે કથં

ક્ષેત્રજ્ઞાશ્ ચ કથં તે ઽપિ કથં ચ બ્રહ્મચારિનઃ ।
ઋષયશ્ ચ પરિવ્રાજા મુનયશ્ ચ તપસ્વિનઃ