ઋગ્વેદ · અધ્યાય 9.114

ય ઇન્દોઃ પવમાનસ્યાનુ ધામાન્ય્ અક્રમીત્ ।
તમ્ આહુઃ સુપ્રજા ઇતિ યસ્ તે સોમાવિધન્ મન ઇન્દ્રાયેન્દો પરિ સ્રવ ॥

ઋષે મન્ત્રકૃતાં સ્તોમૈઃ કશ્યપોદ્વર્ધયન્ ગિરઃ ।
સોમં નમસ્ય રાજાનં યો જજ્ઞે વીરુધામ્ પતિર્ ઇન્દ્રાયેન્દો પરિ સ્રવ ॥

સપ્ત દિશો નાનાસૂર્યાઃ સપ્ત હોતાર ઋત્વિજઃ ।
દેવા આદિત્યા યે સપ્ત તેભિઃ સોમાભિ રક્ષ ન ઇન્દ્રાયેન્દો પરિ સ્રવ ॥

યત્ તે રાજઞ્ છૃતં હવિસ્ તેન સોમાભિ રક્ષ નઃ ।
અરાતીવા મા નસ્ તારીન્ મો ચ નઃ કિં ચનામમદ્ ઇન્દ્રાયેન્દો પરિ સ્રવ ॥