ઋગ્વેદ · અધ્યાય 10.001

અગ્રે બૃહન્ન્ ઉષસામ્ ઊર્ધ્વો અસ્થાન્ નિર્જગન્વાન્ તમસો જ્યોતિષાગાત્ ।
અગ્નિર્ ભાનુના રુશતા સ્વઙ્ગ આ જાતો વિશ્વા સદ્માન્ય્ અપ્રાઃ ॥

સ જાતો ગર્ભો અસિ રોદસ્યોર્ અગ્ને ચારુર્ વિભૃત ઓષધીષુ ।
ચિત્રઃ શિશુઃ પરિ તમાંસ્ય્ અક્તૂન્ પ્ર માતૃભ્યો અધિ કનિક્રદદ્ ગાઃ ॥

વિષ્ણુર્ ઇત્થા પરમમ્ અસ્ય વિદ્વાઞ્ જાતો બૃહન્ન્ અભિ પાતિ તૃતીયમ્ ।
આસા યદ્ અસ્ય પયો અક્રત સ્વં સચેતસો અભ્ય્ અર્ચન્ત્ય્ અત્ર ॥

અત ઉ ત્વા પિતુભૃતો જનિત્રીર્ અન્નાવૃધમ્ પ્રતિ ચરન્ત્ય્ અન્નૈઃ ।
તા ઈમ્ પ્રત્ય્ એષિ પુનર્ અન્યરૂપા અસિ ત્વં વિક્ષુ માનુષીષુ હોતા ॥

હોતારં ચિત્રરથમ્ અધ્વરસ્ય યજ્ઞસ્ય-યજ્ઞસ્ય કેતું રુશન્તમ્ ।
પ્રત્યર્ધિં દેવસ્ય-દેવસ્ય મહ્ના શ્રિયા ત્વ્ અ1ગ્નિમ્ અતિથિં જનાનામ્ ॥

સ તુ વસ્ત્રાણ્ય્ અધ પેશનાનિ વસાનો અગ્નિર્ નાભા પૃથિવ્યાઃ ।
અરુષો જાતઃ પદ ઇળાયાઃ પુરોહિતો રાજન્ યક્ષીહ દેવાન્ ॥

આ હિ દ્યાવાપૃથિવી અગ્ન ઉભે સદા પુત્રો ન માતરા તતન્થ ।
પ્ર યાહ્ય્ અચ્છોશતો યવિષ્ઠાથા વહ સહસ્યેહ દેવાન્ ॥