ઋગ્વેદ · અધ્યાય 9.102

ક્રાણા શિશુર્ મહીનાં હિન્વન્ન્ ઋતસ્ય દીધિતિમ્ ।
વિશ્વા પરિ પ્રિયા ભુવદ્ અધ દ્વિતા ॥

ઉપ ત્રિતસ્ય પાષ્યો3ર્ અભક્ત યદ્ ગુહા પદમ્ ।
યજ્ઞસ્ય સપ્ત ધામભિર્ અધ પ્રિયમ્ ॥

ત્રીણિ ત્રિતસ્ય ધારયા પૃષ્ઠેષ્વ્ એરયા રયિમ્ ।
મિમીતે અસ્ય યોજના વિ સુક્રતુઃ ॥

જજ્ઞાનં સપ્ત માતરો વેધામ્ અશાસત શ્રિયે ।
અયં ધ્રુવો રયીણાં ચિકેત યત્ ॥

અસ્ય વ્રતે સજોષસો વિશ્વે દેવાસો અદ્રુહઃ ।
સ્પાર્હા ભવન્તિ રન્તયો જુષન્ત યત્ ॥

યમ્ ઈ ગર્ભમ્ ઋતાવૃધો દૃશે ચારુમ્ અજીજનન્ ।
કવિમ્ મંહિષ્ઠમ્ અધ્વરે પુરુસ્પૃહમ્ ॥

સમીચીને અભિ ત્મના યહ્વી ઋતસ્ય માતરા ।
તન્વાના યજ્ઞમ્ આનુષગ્ યદ્ અઞ્જતે ॥

ક્રત્વા શુક્રેભિર્ અક્ષભિર્ ઋણોર્ અપ વ્રજં દિવઃ ।
હિન્વન્ન્ ઋતસ્ય દીધિતિમ્ પ્રાધ્વરે ॥