ઋગ્વેદ · અધ્યાય 9.096

પ્ર સેનાનીઃ શૂરો અગ્રે રથાનાં ગવ્યન્ન્ એતિ હર્ષતે અસ્ય સેના ।
ભદ્રાન્ કૃણ્વન્ન્ ઇન્દ્રહવાન્ સખિભ્ય આ સોમો વસ્ત્રા રભસાનિ દત્તે ॥

સમ્ અસ્ય હરિં હરયો મૃજન્ત્ય્ અશ્વહયૈર્ અનિશિતં નમોભિઃ ।
આ તિષ્ઠતિ રથમ્ ઇન્દ્રસ્ય સખા વિદ્વાઁ એના સુમતિં યાત્ય્ અચ્છ ॥

સ નો દેવ દેવતાતે પવસ્વ મહે સોમ પ્સરસ ઇન્દ્રપાનઃ ।
કૃણ્વન્ન્ અપો વર્ષયન્ દ્યામ્ ઉતેમામ્ ઉરોર્ આ નો વરિવસ્યા પુનાનઃ ॥

અજીતયે ઽહતયે પવસ્વ સ્વસ્તયે સર્વતાતયે બૃહતે ।
તદ્ ઉશન્તિ વિશ્વ ઇમે સખાયસ્ તદ્ અહં વશ્મિ પવમાન સોમ ॥

સોમઃ પવતે જનિતા મતીનાં જનિતા દિવો જનિતા પૃથિવ્યાઃ ।
જનિતાગ્નેર્ જનિતા સૂર્યસ્ય જનિતેન્દ્રસ્ય જનિતોત વિષ્ણોઃ ॥

બ્રહ્મા દેવાનામ્ પદવીઃ કવીનામ્ ઋષિર્ વિપ્રાણામ્ મહિષો મૃગાણામ્ ।
શ્યેનો ગૃધ્રાણાં સ્વધિતિર્ વનાનાં સોમઃ પવિત્રમ્ અત્ય્ એતિ રેભન્ ॥

પ્રાવીવિપદ્ વાચ ઊર્મિં ન સિન્ધુર્ ગિરઃ સોમઃ પવમાનો મનીષાઃ ।
અન્તઃ પશ્યન્ વૃજનેમાવરાણ્ય્ આ તિષ્ઠતિ વૃષભો ગોષુ જાનન્ ॥

સ મત્સરઃ પૃત્સુ વન્વન્ન્ અવાતઃ સહસ્રરેતા અભિ વાજમ્ અર્ષ ।
ઇન્દ્રાયેન્દો પવમાનો મનીષ્ય્ અ1ંશોર્ ઊર્મિમ્ ઈરય ગા ઇષણ્યન્ ॥

પરિ પ્રિયઃ કલશે દેવવાત ઇન્દ્રાય સોમો રણ્યો મદાય ।
સહસ્રધારઃ શતવાજ ઇન્દુર્ વાજી ન સપ્તિઃ સમના જિગાતિ ॥

સ પૂર્વ્યો વસુવિજ્ જાયમાનો મૃજાનો અપ્સુ દુદુહાનો અદ્રૌ ।
અભિશસ્તિપા ભુવનસ્ય રાજા વિદદ્ ગાતુમ્ બ્રહ્મણે પૂયમાનઃ ॥

ત્વયા હિ નઃ પિતરઃ સોમ પૂર્વે કર્માણિ ચક્રુઃ પવમાન ધીરાઃ ।
વન્વન્ન્ અવાતઃ પરિધીઁર્ અપોર્ણુ વીરેભિર્ અશ્વૈર્ મઘવા ભવા નઃ ॥

યથાપવથા મનવે વયોધા અમિત્રહા વરિવોવિદ્ ધવિષ્માન્ ।
એવા પવસ્વ દ્રવિણં દધાન ઇન્દ્રે સં તિષ્ઠ જનયાયુધાનિ ॥

પવસ્વ સોમ મધુમાઁ ઋતાવાપો વસાનો અધિ સાનો અવ્યે ।
અવ દ્રોણાનિ ઘૃતવાન્તિ સીદ મદિન્તમો મત્સર ઇન્દ્રપાનઃ ॥

વૃષ્ટિં દિવઃ શતધારઃ પવસ્વ સહસ્રસા વાજયુર્ દેવવીતૌ ।
સં સિન્ધુભિઃ કલશે વાવશાનઃ સમ્ ઉસ્રિયાભિઃ પ્રતિરન્ ન આયુઃ ॥

એષ સ્ય સોમો મતિભિઃ પુનાનો ઽત્યો ન વાજી તરતીદ્ અરાતીઃ ।
પયો ન દુગ્ધમ્ અદિતેર્ ઇષિરમ્ ઉર્વ્ ઇવ ગાતુઃ સુયમો ન વોળ્હા ॥

સ્વાયુધઃ સોતૃભિઃ પૂયમાનો ઽભ્ય્ અર્ષ ગુહ્યં ચારુ નામ ।
અભિ વાજં સપ્તિર્ ઇવ શ્રવસ્યાભિ વાયુમ્ અભિ ગા દેવ સોમ ॥

શિશું જજ્ઞાનં હર્યતમ્ મૃજન્તિ શુમ્ભન્તિ વહ્નિમ્ મરુતો ગણેન ।
કવિર્ ગીર્ભિઃ કાવ્યેના કવિઃ સન્ સોમઃ પવિત્રમ્ અત્ય્ એતિ રેભન્ ॥

ઋષિમના ય ઋષિકૃત્ સ્વર્ષાઃ સહસ્રણીથઃ પદવીઃ કવીનામ્ ।
તૃતીયં ધામ મહિષઃ સિષાસન્ સોમો વિરાજમ્ અનુ રાજતિ ષ્ટુપ્ ॥

ચમૂષચ્ છ્યેનઃ શકુનો વિભૃત્વા ગોવિન્દુર્ દ્રપ્સ આયુધાનિ બિભ્રત્ ।
અપામ્ ઊર્મિં સચમાનઃ સમુદ્રં તુરીયં ધામ મહિષો વિવક્તિ ॥

મર્યો ન શુભ્રસ્ તન્વમ્ મૃજાનો ઽત્યો ન સૃત્વા સનયે ધનાનામ્ ।
વૃષેવ યૂથા પરિ કોશમ્ અર્ષન્ કનિક્રદચ્ ચમ્વો3ર્ આ વિવેશ ॥

પવસ્વેન્દો પવમાનો મહોભિઃ કનિક્રદત્ પરિ વારાણ્ય્ અર્ષ ।
ક્રીળઞ્ ચમ્વો3ર્ આ વિશ પૂયમાન ઇન્દ્રં તે રસો મદિરો મમત્તુ ॥

પ્રાસ્ય ધારા બૃહતીર્ અસૃગ્રન્ન્ અક્તો ગોભિઃ કલશાઁ આ વિવેશ ।
સામ કૃણ્વન્ સામન્યો વિપશ્ચિત્ ક્રન્દન્ન્ એત્ય્ અભિ સખ્યુર્ ન જામિમ્ ॥

અપઘ્નન્ન્ એષિ પવમાન શત્રૂન્ પ્રિયાં ન જારો અભિગીત ઇન્દુઃ ।
સીદન્ વનેષુ શકુનો ન પત્વા સોમઃ પુનાનઃ કલશેષુ સત્તા ॥

આ તે રુચઃ પવમાનસ્ય સોમ યોષેવ યન્તિ સુદુઘાઃ સુધારાઃ ।
હરિર્ આનીતઃ પુરુવારો અપ્સ્વ્ અચિક્રદત્ કલશે દેવયૂનામ્ ॥