ઋગ્વેદ · અધ્યાય 9.095

કનિક્રન્તિ હરિર્ આ સૃજ્યમાનઃ સીદન્ વનસ્ય જઠરે પુનાનઃ ।
નૃભિર્ યતઃ કૃણુતે નિર્ણિજં ગા અતો મતીર્ જનયત સ્વધાભિઃ ॥

હરિઃ સૃજાનઃ પથ્યામ્ ઋતસ્યેયર્તિ વાચમ્ અરિતેવ નાવમ્ ।
દેવો દેવાનાં ગુહ્યાનિ નામાવિષ્ કૃણોતિ બર્હિષિ પ્રવાચે ॥

અપામ્ ઇવેદ્ ઊર્મયસ્ તર્તુરાણાઃ પ્ર મનીષા ઈરતે સોમમ્ અચ્છ ।
નમસ્યન્તીર્ ઉપ ચ યન્તિ સં ચા ચ વિશન્ત્ય્ ઉશતીર્ ઉશન્તમ્ ॥

તમ્ મર્મૃજાનમ્ મહિષં ન સાનાવ્ અંશું દુહન્ત્ય્ ઉક્ષણં ગિરિષ્ઠામ્ ।
તં વાવશાનમ્ મતયઃ સચન્તે ત્રિતો બિભર્તિ વરુણં સમુદ્રે ॥

ઇષ્યન્ વાચમ્ ઉપવક્તેવ હોતુઃ પુનાન ઇન્દો વિ ષ્યા મનીષામ્ ।
ઇન્દ્રશ્ ચ યત્ ક્ષયથઃ સૌભગાય સુવીર્યસ્ય પતયઃ સ્યામ ॥