ઋગ્વેદ · અધ્યાય 9.089

પ્રો સ્ય વહ્નિઃ પથ્યાભિર્ અસ્યાન્ દિવો ન વૃષ્ટિઃ પવમાનો અક્ષાઃ ।
સહસ્રધારો અસદન્ ન્ય્ અ1સ્મે માતુર્ ઉપસ્થે વન આ ચ સોમઃ ॥

રાજા સિન્ધૂનામ્ અવસિષ્ટ વાસ ઋતસ્ય નાવમ્ આરુહદ્ રજિષ્ઠામ્ ।
અપ્સુ દ્રપ્સો વાવૃધે શ્યેનજૂતો દુહ ઈમ્ પિતા દુહ ઈમ્ પિતુર્ જામ્ ॥

સિંહં નસન્ત મધ્વો અયાસં હરિમ્ અરુષં દિવો અસ્ય પતિમ્ ।
શૂરો યુત્સુ પ્રથમઃ પૃચ્છતે ગા અસ્ય ચક્ષસા પરિ પાત્ય્ ઉક્ષા ॥

મધુપૃષ્ઠં ઘોરમ્ અયાસમ્ અશ્વં રથે યુઞ્જન્ત્ય્ ઉરુચક્ર ઋષ્વમ્ ।
સ્વસાર ઈં જામયો મર્જયન્તિ સનાભયો વાજિનમ્ ઊર્જયન્તિ ॥

ચતસ્ર ઈં ઘૃતદુહઃ સચન્તે સમાને અન્તર્ ધરુણે નિષત્તાઃ ।
તા ઈમ્ અર્ષન્તિ નમસા પુનાનાસ્ તા ઈં વિશ્વતઃ પરિ ષન્તિ પૂર્વીઃ ॥

વિષ્ટમ્ભો દિવો ધરુણઃ પૃથિવ્યા વિશ્વા ઉત ક્ષિતયો હસ્તે અસ્ય ।
અસત્ ત ઉત્સો ગૃણતે નિયુત્વાન્ મધ્વો અંશુઃ પવત ઇન્દ્રિયાય ॥

વન્વન્ન્ અવાતો અભિ દેવવીતિમ્ ઇન્દ્રાય સોમ વૃત્રહા પવસ્વ ।
શગ્ધિ મહઃ પુરુશ્ચન્દ્રસ્ય રાયઃ સુવીર્યસ્ય પતયઃ સ્યામ ॥