ઋગ્વેદ · અધ્યાય 9.087

પ્ર તુ દ્રવ પરિ કોશં નિ ષીદ નૃભિઃ પુનાનો અભિ વાજમ્ અર્ષ ।
અશ્વં ન ત્વા વાજિનમ્ મર્જયન્તો ઽચ્છા બર્હી રશનાભિર્ નયન્તિ ॥

સ્વાયુધઃ પવતે દેવ ઇન્દુર્ અશસ્તિહા વૃજનં રક્ષમાણઃ ।
પિતા દેવાનાં જનિતા સુદક્ષો વિષ્ટમ્ભો દિવો ધરુણઃ પૃથિવ્યાઃ ॥

ઋષિર્ વિપ્રઃ પુરએતા જનાનામ્ ઋભુર્ ધીર ઉશના કાવ્યેન ।
સ ચિદ્ વિવેદ નિહિતં યદ્ આસામ્ અપીચ્ય1ં ગુહ્યં નામ ગોનામ્ ॥

એષ સ્ય તે મધુમાઁ ઇન્દ્ર સોમો વૃષા વૃષ્ણે પરિ પવિત્રે અક્ષાઃ ।
સહસ્રસાઃ શતસા ભૂરિદાવા શશ્વત્તમમ્ બર્હિર્ આ વાજ્ય્ અસ્થાત્ ॥

એતે સોમા અભિ ગવ્યા સહસ્રા મહે વાજાયામૃતાય શ્રવાંસિ ।
પવિત્રેભિઃ પવમાના અસૃગ્રઞ્ છ્રવસ્યવો ન પૃતનાજો અત્યાઃ ॥

પરિ હિ ષ્મા પુરુહૂતો જનાનાં વિશ્વાસરદ્ ભોજના પૂયમાનઃ ।
અથા ભર શ્યેનભૃત પ્રયાંસિ રયિં તુઞ્જાનો અભિ વાજમ્ અર્ષ ॥

એષ સુવાનઃ પરિ સોમઃ પવિત્રે સર્ગો ન સૃષ્ટો અદધાવદ્ અર્વા ।
તિગ્મે શિશાનો મહિષો ન શૃઙ્ગે ગા ગવ્યન્ન્ અભિ શૂરો ન સત્વા ॥

એષા યયૌ પરમાદ્ અન્તર્ અદ્રેઃ કૂચિત્ સતીર્ ઊર્વે ગા વિવેદ ।
દિવો ન વિદ્યુત્ સ્તનયન્ત્ય્ અભ્રૈઃ સોમસ્ય તે પવત ઇન્દ્ર ધારા ॥

ઉત સ્મ રાશિમ્ પરિ યાસિ ગોનામ્ ઇન્દ્રેણ સોમ સરથમ્ પુનાનઃ ।
પૂર્વીર્ ઇષો બૃહતીર્ જીરદાનો શિક્ષા શચીવસ્ તવ તા ઉપષ્ટુત્ ॥