ઋગ્વેદ · અધ્યાય 9.081

પ્ર સોમસ્ય પવમાનસ્યોર્મય ઇન્દ્રસ્ય યન્તિ જઠરં સુપેશસઃ ।
દધ્ના યદ્ ઈમ્ ઉન્નીતા યશસા ગવાં દાનાય શૂરમ્ ઉદમન્દિષુઃ સુતાઃ ॥

અચ્છા હિ સોમઃ કલશાઁ અસિષ્યદદ્ અત્યો ન વોળ્હા રઘુવર્તનિર્ વૃષા ।
અથા દેવાનામ્ ઉભયસ્ય જન્મનો વિદ્વાઁ અશ્નોત્ય્ અમુત ઇતશ્ ચ યત્ ॥

આ નઃ સોમ પવમાનઃ કિરા વસ્વ્ ઇન્દો ભવ મઘવા રાધસો મહઃ ।
શિક્ષા વયોધો વસવે સુ ચેતુના મા નો ગયમ્ આરે અસ્મત્ પરા સિચઃ ॥

આ નઃ પૂષા પવમાનઃ સુરાતયો મિત્રો ગચ્છન્તુ વરુણઃ સજોષસઃ ।
બૃહસ્પતિર્ મરુતો વાયુર્ અશ્વિના ત્વષ્ટા સવિતા સુયમા સરસ્વતી ॥

ઉભે દ્યાવાપૃથિવી વિશ્વમિન્વે અર્યમા દેવો અદિતિર્ વિધાતા ।
ભગો નૃશંસ ઉર્વ્ અ1ન્તરિક્ષં વિશ્વે દેવાઃ પવમાનં જુષન્ત ॥