ઋગ્વેદ · અધ્યાય 9.080

સોમસ્ય ધારા પવતે નૃચક્ષસ ઋતેન દેવાન્ હવતે દિવસ્ પરિ ।
બૃહસ્પતે રવથેના વિ દિદ્યુતે સમુદ્રાસો ન સવનાનિ વિવ્યચુઃ ॥

યં ત્વા વાજિન્ન્ અઘ્ન્યા અભ્ય્ અનૂષતાયોહતં યોનિમ્ આ રોહસિ દ્યુમાન્ ।
મઘોનામ્ આયુઃ પ્રતિરન્ મહિ શ્રવ ઇન્દ્રાય સોમ પવસે વૃષા મદઃ ॥

એન્દ્રસ્ય કુક્ષા પવતે મદિન્તમ ઊર્જં વસાનઃ શ્રવસે સુમઙ્ગલઃ ।
પ્રત્યઙ્ સ વિશ્વા ભુવનાભિ પપ્રથે ક્રીળન્ હરિર્ અત્યઃ સ્યન્દતે વૃષા ॥

તં ત્વા દેવેભ્યો મધુમત્તમં નરઃ સહસ્રધારં દુહતે દશ ક્ષિપઃ ।
નૃભિઃ સોમ પ્રચ્યુતો ગ્રાવભિઃ સુતો વિશ્વાન્ દેવાઁ આ પવસ્વા સહસ્રજિત્ ॥

તં ત્વા હસ્તિનો મધુમન્તમ્ અદ્રિભિર્ દુહન્ત્ય્ અપ્સુ વૃષભં દશ ક્ષિપઃ ।
ઇન્દ્રં સોમ માદયન્ દૈવ્યં જનં સિન્ધોર્ ઇવોર્મિઃ પવમાનો અર્ષસિ ॥