ઋગ્વેદ · અધ્યાય 9.075

અભિ પ્રિયાણિ પવતે ચનોહિતો નામાનિ યહ્વો અધિ યેષુ વર્ધતે ।
આ સૂર્યસ્ય બૃહતો બૃહન્ન્ અધિ રથં વિષ્વઞ્ચમ્ અરુહદ્ વિચક્ષણઃ ॥

ઋતસ્ય જિહ્વા પવતે મધુ પ્રિયં વક્તા પતિર્ ધિયો અસ્યા અદાભ્યઃ ।
દધાતિ પુત્રઃ પિત્રોર્ અપીચ્ય1ં નામ તૃતીયમ્ અધિ રોચને દિવઃ ॥

અવ દ્યુતાનઃ કલશાઁ અચિક્રદન્ નૃભિર્ યેમાનઃ કોશ આ હિરણ્યયે ।
અભીમ્ ઋતસ્ય દોહના અનૂષતાધિ ત્રિપૃષ્ઠ ઉષસો વિ રાજતિ ॥

અદ્રિભિઃ સુતો મતિભિશ્ ચનોહિતઃ પ્રરોચયન્ રોદસી માતરા શુચિઃ ।
રોમાણ્ય્ અવ્યા સમયા વિ ધાવતિ મધોર્ ધારા પિન્વમાના દિવે-દિવે ॥

પરિ સોમ પ્ર ધન્વા સ્વસ્તયે નૃભિઃ પુનાનો અભિ વાસયાશિરમ્ ।
યે તે મદા આહનસો વિહાયસસ્ તેભિર્ ઇન્દ્રં ચોદય દાતવે મઘમ્ ॥