ઋગ્વેદ · અધ્યાય 9.076

ધર્તા દિવઃ પવતે કૃત્વ્યો રસો દક્ષો દેવાનામ્ અનુમાદ્યો નૃભિઃ ।
હરિઃ સૃજાનો અત્યો ન સત્વભિર્ વૃથા પાજાંસિ કૃણુતે નદીષ્વ્ આ ॥

શૂરો ન ધત્ત આયુધા ગભસ્ત્યોઃ સ્વ1ઃ સિષાસન્ રથિરો ગવિષ્ટિષુ ।
ઇન્દ્રસ્ય શુષ્મમ્ ઈરયન્ન્ અપસ્યુભિર્ ઇન્દુર્ હિન્વાનો અજ્યતે મનીષિભિઃ ॥

ઇન્દ્રસ્ય સોમ પવમાન ઊર્મિણા તવિષ્યમાણો જઠરેષ્વ્ આ વિશ ।
પ્ર ણઃ પિન્વ વિદ્યુદ્ અભ્રેવ રોદસી ધિયા ન વાજાઁ ઉપ માસિ શશ્વતઃ ॥

વિશ્વસ્ય રાજા પવતે સ્વર્દૃશ ઋતસ્ય ધીતિમ્ ઋષિષાળ્ અવીવશત્ ।
યઃ સૂર્યસ્યાસિરેણ મૃજ્યતે પિતા મતીનામ્ અસમષ્ટકાવ્યઃ ॥

વૃષેવ યૂથા પરિ કોશમ્ અર્ષસ્ય્ અપામ્ ઉપસ્થે વૃષભઃ કનિક્રદત્ ।
સ ઇન્દ્રાય પવસે મત્સરિન્તમો યથા જેષામ સમિથે ત્વોતયઃ ॥