ઋગ્વેદ · અધ્યાય 9.073

સ્રક્વે દ્રપ્સસ્ય ધમતઃ સમ્ અસ્વરન્ન્ ઋતસ્ય યોના સમ્ અરન્ત નાભયઃ ।
ત્રીન્ સ મૂર્ધ્નો અસુરશ્ ચક્ર આરભે સત્યસ્ય નાવઃ સુકૃતમ્ અપીપરન્ ॥

સમ્યક્ સમ્યઞ્ચો મહિષા અહેષત સિન્ધોર્ ઊર્માવ્ અધિ વેના અવીવિપન્ ।
મધોર્ ધારાભિર્ જનયન્તો અર્કમ્ ઇત્ પ્રિયામ્ ઇન્દ્રસ્ય તન્વમ્ અવીવૃધન્ ॥

પવિત્રવન્તઃ પરિ વાચમ્ આસતે પિતૈષામ્ પ્રત્નો અભિ રક્ષતિ વ્રતમ્ ।
મહઃ સમુદ્રં વરુણસ્ તિરો દધે ધીરા ઇચ્ છેકુર્ ધરુણેષ્વ્ આરભમ્ ॥

સહસ્રધારે ઽવ તે સમ્ અસ્વરન્ દિવો નાકે મધુજિહ્વા અસશ્ચતઃ ।
અસ્ય સ્પશો ન નિ મિષન્તિ ભૂર્ણયઃ પદે-પદે પાશિનઃ સન્તિ સેતવઃ ॥

પિતુર્ માતુર્ અધ્ય્ આ યે સમસ્વરન્ન્ ઋચા શોચન્તઃ સંદહન્તો અવ્રતાન્ ।
ઇન્દ્રદ્વિષ્ટામ્ અપ ધમન્તિ માયયા ત્વચમ્ અસિક્નીમ્ ભૂમનો દિવસ્ પરિ ॥

પ્રત્નાન્ માનાદ્ અધ્ય્ આ યે સમસ્વરઞ્ છ્લોકયન્ત્રાસો રભસસ્ય મન્તવઃ ।
અપાનક્ષાસો બધિરા અહાસત ઋતસ્ય પન્થાં ન તરન્તિ દુષ્કૃતઃ ॥

સહસ્રધારે વિતતે પવિત્ર આ વાચમ્ પુનન્તિ કવયો મનીષિણઃ ।
રુદ્રાસ એષામ્ ઇષિરાસો અદ્રુહઃ સ્પશઃ સ્વઞ્ચઃ સુદૃશો નૃચક્ષસઃ ॥

ઋતસ્ય ગોપા ન દભાય સુક્રતુસ્ ત્રી ષ પવિત્રા હૃદ્ય્ અ1ન્તર્ આ દધે ।
વિદ્વાન્ સ વિશ્વા ભુવનાભિ પશ્યત્ય્ અવાજુષ્ટાન્ વિધ્યતિ કર્તે અવ્રતાન્ ॥

ઋતસ્ય તન્તુર્ વિતતઃ પવિત્ર આ જિહ્વાયા અગ્રે વરુણસ્ય માયયા ।
ધીરાશ્ ચિત્ તત્ સમિનક્ષન્ત આશતાત્રા કર્તમ્ અવ પદાત્ય્ અપ્રભુઃ ॥