ઋગ્વેદ · અધ્યાય 9.069

ઇષુર્ ન ધન્વન્ પ્રતિ ધીયતે મતિર્ વત્સો ન માતુર્ ઉપ સર્જ્ય્ ઊધનિ ।
ઉરુધારેવ દુહે અગ્ર આયત્ય્ અસ્ય વ્રતેષ્વ્ અપિ સોમ ઇષ્યતે ॥

ઉપો મતિઃ પૃચ્યતે સિચ્યતે મધુ મન્દ્રાજની ચોદતે અન્તર્ આસનિ ।
પવમાનઃ સંતનિઃ પ્રઘ્નતામ્ ઇવ મધુમાન્ દ્રપ્સઃ પરિ વારમ્ અર્ષતિ ॥

અવ્યે વધૂયુઃ પવતે પરિ ત્વચિ શ્રથ્નીતે નપ્તીર્ અદિતેર્ ઋતં યતે ।
હરિર્ અક્રાન્ યજતઃ સંયતો મદો નૃમ્ણા શિશાનો મહિષો ન શોભતે ॥

ઉક્ષા મિમાતિ પ્રતિ યન્તિ ધેનવો દેવસ્ય દેવીર્ ઉપ યન્તિ નિષ્કૃતમ્ ।
અત્ય્ અક્રમીદ્ અર્જુનં વારમ્ અવ્યયમ્ અત્કં ન નિક્તમ્ પરિ સોમો અવ્યત ॥

અમૃક્તેન રુશતા વાસસા હરિર્ અમર્ત્યો નિર્ણિજાનઃ પરિ વ્યત ।
દિવસ્ પૃષ્ઠમ્ બર્હણા નિર્ણિજે કૃતોપસ્તરણં ચમ્વોર્ નભસ્મયમ્ ॥

સૂર્યસ્યેવ રશ્મયો દ્રાવયિત્નવો મત્સરાસઃ પ્રસુપઃ સાકમ્ ઈરતે ।
તન્તું તતમ્ પરિ સર્ગાસ આશવો નેન્દ્રાદ્ ઋતે પવતે ધામ કિં ચન ॥

સિન્ધોર્ ઇવ પ્રવણે નિમ્ન આશવો વૃષચ્યુતા મદાસો ગાતુમ્ આશત ।
શં નો નિવેશે દ્વિપદે ચતુષ્પદે ઽસ્મે વાજાઃ સોમ તિષ્ઠન્તુ કૃષ્ટયઃ ॥

આ નઃ પવસ્વ વસુમદ્ ધિરણ્યવદ્ અશ્વાવદ્ ગોમદ્ યવમત્ સુવીર્યમ્ ।
યૂયં હિ સોમ પિતરો મમ સ્થન દિવો મૂર્ધાનઃ પ્રસ્થિતા વયસ્કૃતઃ ॥

એતે સોમાઃ પવમાનાસ ઇન્દ્રં રથા ઇવ પ્ર યયુઃ સાતિમ્ અચ્છ ।
સુતાઃ પવિત્રમ્ અતિ યન્ત્ય્ અવ્યં હિત્વી વવ્રિં હરિતો વૃષ્ટિમ્ અચ્છ ॥

ઇન્દવ્ ઇન્દ્રાય બૃહતે પવસ્વ સુમૃળીકો અનવદ્યો રિશાદાઃ ।
ભરા ચન્દ્રાણિ ગૃણતે વસૂનિ દેવૈર્ દ્યાવાપૃથિવી પ્રાવતં નઃ ॥