ઋગ્વેદ · અધ્યાય 9.067

ત્વં સોમાસિ ધારયુર્ મન્દ્ર ઓજિષ્ઠો અધ્વરે ।
પવસ્વ મંહયદ્રયિઃ ॥

ત્વં સુતો નૃમાદનો દધન્વાન્ મત્સરિન્તમઃ ।
ઇન્દ્રાય સૂરિર્ અન્ધસા ॥

ત્વં સુષ્વાણો અદ્રિભિર્ અભ્ય્ અર્ષ કનિક્રદત્ ।
દ્યુમન્તં શુષ્મમ્ ઉત્તમમ્ ॥

ઇન્દુર્ હિન્વાનો અર્ષતિ તિરો વારાણ્ય્ અવ્યયા ।
હરિર્ વાજમ્ અચિક્રદત્ ॥

ઇન્દો વ્ય્ અવ્યમ્ અર્ષસિ વિ શ્રવાંસિ વિ સૌભગા ।
વિ વાજાન્ સોમ ગોમતઃ ॥

આ ન ઇન્દો શતગ્વિનં રયિં ગોમન્તમ્ અશ્વિનમ્ ।
ભરા સોમ સહસ્રિણમ્ ॥

પવમાનાસ ઇન્દવસ્ તિરઃ પવિત્રમ્ આશવઃ ।
ઇન્દ્રં યામેભિર્ આશત ॥

કકુહઃ સોમ્યો રસ ઇન્દુર્ ઇન્દ્રાય પૂર્વ્યઃ ।
આયુઃ પવત આયવે ॥

હિન્વન્તિ સૂરમ્ ઉસ્રયઃ પવમાનમ્ મધુશ્ચુતમ્ ।
અભિ ગિરા સમ્ અસ્વરન્ ॥

અવિતા નો અજાશ્વઃ પૂષા યામનિ-યામનિ ।
આ ભક્ષત્ કન્યાસુ નઃ ॥

અયં સોમઃ કપર્દિને ઘૃતં ન પવતે મધુ ।
આ ભક્ષત્ કન્યાસુ નઃ ॥

અયં ત આઘૃણે સુતો ઘૃતં ન પવતે શુચિ ।
આ ભક્ષત્ કન્યાસુ નઃ ॥

વાચો જન્તુઃ કવીનામ્ પવસ્વ સોમ ધારયા ।
દેવેષુ રત્નધા અસિ ॥

આ કલશેષુ ધાવતિ શ્યેનો વર્મ વિ ગાહતે ।
અભિ દ્રોણા કનિક્રદત્ ॥

પરિ પ્ર સોમ તે રસો ઽસર્જિ કલશે સુતઃ ।
શ્યેનો ન તક્તો અર્ષતિ ॥

પવસ્વ સોમ મન્દયન્ન્ ઇન્દ્રાય મધુમત્તમઃ ॥

અસૃગ્રન્ દેવવીતયે વાજયન્તો રથા ઇવ ॥

તે સુતાસો મદિન્તમાઃ શુક્રા વાયુમ્ અસૃક્ષત ॥

ગ્રાવ્ણા તુન્નો અભિષ્ટુતઃ પવિત્રં સોમ ગચ્છસિ ।
દધત્ સ્તોત્રે સુવીર્યમ્ ॥

એષ તુન્નો અભિષ્ટુતઃ પવિત્રમ્ અતિ ગાહતે ।
રક્ષોહા વારમ્ અવ્યયમ્ ॥

યદ્ અન્તિ યચ્ ચ દૂરકે ભયં વિન્દતિ મામ્ ઇહ ।
પવમાન વિ તજ્ જહિ ॥

પવમાનઃ સો અદ્ય નઃ પવિત્રેણ વિચર્ષણિઃ ।
યઃ પોતા સ પુનાતુ નઃ ॥

યત્ તે પવિત્રમ્ અર્ચિષ્ય્ અગ્ને વિતતમ્ અન્તર્ આ ।
બ્રહ્મ તેન પુનીહિ નઃ ॥

યત્ તે પવિત્રમ્ અર્ચિવદ્ અગ્ને તેન પુનીહિ નઃ ।
બ્રહ્મસવૈઃ પુનીહિ નઃ ॥

ઉભાભ્યાં દેવ સવિતઃ પવિત્રેણ સવેન ચ ।
મામ્ પુનીહિ વિશ્વતઃ ॥

ત્રિભિષ્ ટ્વં દેવ સવિતર્ વર્ષિષ્ઠૈઃ સોમ ધામભિઃ ।
અગ્ને દક્ષૈઃ પુનીહિ નઃ ॥

પુનન્તુ માં દેવજનાઃ પુનન્તુ વસવો ધિયા ।
વિશ્વે દેવાઃ પુનીત મા જાતવેદઃ પુનીહિ મા ॥

પ્ર પ્યાયસ્વ પ્ર સ્યન્દસ્વ સોમ વિશ્વેભિર્ અંશુભિઃ ।
દેવેભ્ય ઉત્તમં હવિઃ ॥

ઉપ પ્રિયમ્ પનિપ્નતં યુવાનમ્ આહુતીવૃધમ્ ।
અગન્મ બિભ્રતો નમઃ ॥

અલાય્યસ્ય પરશુર્ નનાશ તમ્ આ પવસ્વ દેવ સોમ ।
આખું ચિદ્ એવ દેવ સોમ ॥

યઃ પાવમાનીર્ અધ્યેત્ય્ ઋષિભિઃ સમ્ભૃતં રસમ્ ।
સર્વં સ પૂતમ્ અશ્નાતિ સ્વદિતમ્ માતરિશ્વના ॥

પાવમાનીર્ યો અધ્યેત્ય્ ઋષિભિઃ સમ્ભૃતં રસમ્ ।
તસ્મૈ સરસ્વતી દુહે ક્ષીરં સર્પિર્ મધૂદકમ્ ॥