ઋગ્વેદ · અધ્યાય 9.034

પ્ર સુવાનો ધારયા તનેન્દુર્ હિન્વાનો અર્ષતિ ।
રુજદ્ દૃળ્હા વ્ય્ ઓજસા ॥

સુત ઇન્દ્રાય વાયવે વરુણાય મરુદ્ભ્યઃ ।
સોમો અર્ષતિ વિષ્ણવે ॥

વૃષાણં વૃષભિર્ યતં સુન્વન્તિ સોમમ્ અદ્રિભિઃ ।
દુહન્તિ શક્મના પયઃ ॥

ભુવત્ ત્રિતસ્ય મર્જ્યો ભુવદ્ ઇન્દ્રાય મત્સરઃ ।
સં રૂપૈર્ અજ્યતે હરિઃ ॥

અભીમ્ ઋતસ્ય વિષ્ટપં દુહતે પૃશ્નિમાતરઃ ।
ચારુ પ્રિયતમં હવિઃ ॥

સમ્ એનમ્ અહ્રુતા ઇમા ગિરો અર્ષન્તિ સસ્રુતઃ ।
ધેનૂર્ વાશ્રો અવીવશત્ ॥