ઋગ્વેદ · અધ્યાય 9.033

પ્ર સોમાસો વિપશ્ચિતો ઽપાં ન યન્ત્ય્ ઊર્મયઃ ।
વનાનિ મહિષા ઇવ ॥

અભિ દ્રોણાનિ બભ્રવઃ શુક્રા ઋતસ્ય ધારયા ।
વાજં ગોમન્તમ્ અક્ષરન્ ॥

સુતા ઇન્દ્રાય વાયવે વરુણાય મરુદ્ભ્યઃ ।
સોમા અર્ષન્તિ વિષ્ણવે ॥

તિસ્રો વાચ ઉદ્ ઈરતે ગાવો મિમન્તિ ધેનવઃ ।
હરિર્ એતિ કનિક્રદત્ ॥

અભિ બ્રહ્મીર્ અનૂષત યહ્વીર્ ઋતસ્ય માતરઃ ।
મર્મૃજ્યન્તે દિવઃ શિશુમ્ ॥

રાયઃ સમુદ્રાઁશ્ ચતુરો ઽસ્મભ્યં સોમ વિશ્વતઃ ।
આ પવસ્વ સહસ્રિણઃ ॥