ઋગ્વેદ · અધ્યાય 9.032

પ્ર સોમાસો મદચ્યુતઃ શ્રવસે નો મઘોનઃ ।
સુતા વિદથે અક્રમુઃ ॥

આદ્ ઈં ત્રિતસ્ય યોષણો હરિં હિન્વન્ત્ય્ અદ્રિભિઃ ।
ઇન્દુમ્ ઇન્દ્રાય પીતયે ॥

આદ્ ઈં હંસો યથા ગણં વિશ્વસ્યાવીવશન્ મતિમ્ ।
અત્યો ન ગોભિર્ અજ્યતે ॥

ઉભે સોમાવચાકશન્ મૃગો ન તક્તો અર્ષસિ ।
સીદન્ન્ ઋતસ્ય યોનિમ્ આ ॥

અભિ ગાવો અનૂષત યોષા જારમ્ ઇવ પ્રિયમ્ ।
અગન્ન્ આજિં યથા હિતમ્ ॥

અસ્મે ધેહિ દ્યુમદ્ યશો મઘવદ્ભ્યશ્ ચ મહ્યં ચ ।
સનિમ્ મેધામ્ ઉત શ્રવઃ ॥