ઋગ્વેદ · અધ્યાય 9.027

એષ કવિર્ અભિષ્ટુતઃ પવિત્રે અધિ તોશતે ।
પુનાનો ઘ્નન્ન્ અપ સ્રિધઃ ॥

એષ ઇન્દ્રાય વાયવે સ્વર્જિત્ પરિ ષિચ્યતે ।
પવિત્રે દક્ષસાધનઃ ॥

એષ નૃભિર્ વિ નીયતે દિવો મૂર્ધા વૃષા સુતઃ ।
સોમો વનેષુ વિશ્વવિત્ ॥

એષ ગવ્યુર્ અચિક્રદત્ પવમાનો હિરણ્યયુઃ ।
ઇન્દુઃ સત્રાજિદ્ અસ્તૃતઃ ॥

એષ સૂર્યેણ હાસતે પવમાનો અધિ દ્યવિ ।
પવિત્રે મત્સરો મદઃ ॥

એષ શુષ્મ્ય્ અસિષ્યદદ્ અન્તરિક્ષે વૃષા હરિઃ ।
પુનાન ઇન્દુર્ ઇન્દ્રમ્ આ ॥