ઋગ્વેદ · અધ્યાય 9.013

સોમઃ પુનાનો અર્ષતિ સહસ્રધારો અત્યવિઃ ।
વાયોર્ ઇન્દ્રસ્ય નિષ્કૃતમ્ ॥

પવમાનમ્ અવસ્યવો વિપ્રમ્ અભિ પ્ર ગાયત ।
સુષ્વાણં દેવવીતયે ॥

પવન્તે વાજસાતયે સોમાઃ સહસ્રપાજસઃ ।
ગૃણાના દેવવીતયે ॥

ઉત નો વાજસાતયે પવસ્વ બૃહતીર્ ઇષઃ ।
દ્યુમદ્ ઇન્દો સુવીર્યમ્ ॥

તે નઃ સહસ્રિણં રયિમ્ પવન્તામ્ આ સુવીર્યમ્ ।
સુવાના દેવાસ ઇન્દવઃ ॥

અત્યા હિયાના ન હેતૃભિર્ અસૃગ્રં વાજસાતયે ।
વિ વારમ્ અવ્યમ્ આશવઃ ॥

વાશ્રા અર્ષન્તીન્દવો ઽભિ વત્સં ન ધેનવઃ ।
દધન્વિરે ગભસ્ત્યોઃ ॥

જુષ્ટ ઇન્દ્રાય મત્સરઃ પવમાન કનિક્રદત્ ।
વિશ્વા અપ દ્વિષો જહિ ॥

અપઘ્નન્તો અરાવ્ણઃ પવમાનાઃ સ્વર્દૃશઃ ।
યોનાવ્ ઋતસ્ય સીદત ॥