ઋગ્વેદ · અધ્યાય 9.012

સોમા અસૃગ્રમ્ ઇન્દવઃ સુતા ઋતસ્ય સાદને ।
ઇન્દ્રાય મધુમત્તમાઃ ॥

અભિ વિપ્રા અનૂષત ગાવો વત્સં ન માતરઃ ।
ઇન્દ્રં સોમસ્ય પીતયે ॥

મદચ્યુત્ ક્ષેતિ સાદને સિન્ધોર્ ઊર્મા વિપશ્ચિત્ ।
સોમો ગૌરી અધિ શ્રિતઃ ॥

દિવો નાભા વિચક્ષણો ઽવ્યો વારે મહીયતે ।
સોમો યઃ સુક્રતુઃ કવિઃ ॥

યઃ સોમઃ કલશેષ્વ્ આઁ અન્તઃ પવિત્ર આહિતઃ ।
તમ્ ઇન્દુઃ પરિ ષસ્વજે ॥

પ્ર વાચમ્ ઇન્દુર્ ઇષ્યતિ સમુદ્રસ્યાધિ વિષ્ટપિ ।
જિન્વન્ કોશમ્ મધુશ્ચુતમ્ ॥

નિત્યસ્તોત્રો વનસ્પતિર્ ધીનામ્ અન્તઃ સબર્દુઘઃ ।
હિન્વાનો માનુષા યુગા ॥

અભિ પ્રિયા દિવસ્ પદા સોમો હિન્વાનો અર્ષતિ ।
વિપ્રસ્ય ધારયા કવિઃ ॥

આ પવમાન ધારય રયિં સહસ્રવર્ચસમ્ ।
અસ્મે ઇન્દો સ્વાભુવમ્ ॥