ઋગ્વેદ · અધ્યાય 9.011

ઉપાસ્મૈ ગાયતા નરઃ પવમાનાયેન્દવે ।
અભિ દેવાઁ ઇયક્ષતે ॥

અભિ તે મધુના પયો ઽથર્વાણો અશિશ્રયુઃ ।
દેવં દેવાય દેવયુ ॥

સ નઃ પવસ્વ શં ગવે શં જનાય શમ્ અર્વતે ।
શં રાજન્ન્ ઓષધીભ્યઃ ॥

બભ્રવે નુ સ્વતવસે ઽરુણાય દિવિસ્પૃશે ।
સોમાય ગાથમ્ અર્ચત ॥

હસ્તચ્યુતેભિર્ અદ્રિભિઃ સુતં સોમમ્ પુનીતન ।
મધાવ્ આ ધાવતા મધુ ॥

નમસેદ્ ઉપ સીદત દધ્નેદ્ અભિ શ્રીણીતન ।
ઇન્દુમ્ ઇન્દ્રે દધાતન ॥

અમિત્રહા વિચર્ષણિઃ પવસ્વ સોમ શં ગવે ।
દેવેભ્યો અનુકામકૃત્ ॥

ઇન્દ્રાય સોમ પાતવે મદાય પરિ ષિચ્યસે ।
મનશ્ચિન્ મનસસ્ પતિઃ ॥

પવમાન સુવીર્યં રયિં સોમ રિરીહિ નઃ ।
ઇન્દવ્ ઇન્દ્રેણ નો યુજા ॥