ઋગ્વેદ · અધ્યાય 9.010

પ્ર સ્વાનાસો રથા ઇવાર્વન્તો ન શ્રવસ્યવઃ ।
સોમાસો રાયે અક્રમુઃ ॥

હિન્વાનાસો રથા ઇવ દધન્વિરે ગભસ્ત્યોઃ ।
ભરાસઃ કારિણામ્ ઇવ ॥

રાજાનો ન પ્રશસ્તિભિઃ સોમાસો ગોભિર્ અઞ્જતે ।
યજ્ઞો ન સપ્ત ધાતૃભિઃ ॥

પરિ સુવાનાસ ઇન્દવો મદાય બર્હણા ગિરા ।
સુતા અર્ષન્તિ ધારયા ॥

આપાનાસો વિવસ્વતો જનન્ત ઉષસો ભગમ્ ।
સૂરા અણ્વં વિ તન્વતે ॥

અપ દ્વારા મતીનામ્ પ્રત્ના ઋણ્વન્તિ કારવઃ ।
વૃષ્ણો હરસ આયવઃ ॥

સમીચીનાસ આસતે હોતારઃ સપ્તજામયઃ ।
પદમ્ એકસ્ય પિપ્રતઃ ॥

નાભા નાભિં ન આ દદે ચક્ષુશ્ ચિત્ સૂર્યે સચા ।
કવેર્ અપત્યમ્ આ દુહે ॥

અભિ પ્રિયા દિવસ્ પદમ્ અધ્વર્યુભિર્ ગુહા હિતમ્ ।
સૂરઃ પશ્યતિ ચક્ષસા ॥