ઋગ્વેદ · અધ્યાય 9.009

પરિ પ્રિયા દિવઃ કવિર્ વયાંસિ નપ્ત્યોર્ હિતઃ ।
સુવાનો યાતિ કવિક્રતુઃ ॥

પ્ર-પ્ર ક્ષયાય પન્યસે જનાય જુષ્ટો અદ્રુહે ।
વીત્ય્ અર્ષ ચનિષ્ઠયા ॥

સ સૂનુર્ માતરા શુચિર્ જાતો જાતે અરોચયત્ ।
મહાન્ મહી ઋતાવૃધા ॥

સ સપ્ત ધીતિભિર્ હિતો નદ્યો અજિન્વદ્ અદ્રુહઃ ।
યા એકમ્ અક્ષિ વાવૃધુઃ ॥

તા અભિ સન્તમ્ અસ્તૃતમ્ મહે યુવાનમ્ આ દધુઃ ।
ઇન્દુમ્ ઇન્દ્ર તવ વ્રતે ॥

અભિ વહ્નિર્ અમર્ત્યઃ સપ્ત પશ્યતિ વાવહિઃ ।
ક્રિવિર્ દેવીર્ અતર્પયત્ ॥

અવા કલ્પેષુ નઃ પુમસ્ તમાંસિ સોમ યોધ્યા ।
તાનિ પુનાન જઙ્ઘનઃ ॥

નૂ નવ્યસે નવીયસે સૂક્તાય સાધયા પથઃ ।
પ્રત્નવદ્ રોચયા રુચઃ ॥

પવમાન મહિ શ્રવો ગામ્ અશ્વં રાસિ વીરવત્ ।
સના મેધાં સના સ્વઃ ॥