ઋગ્વેદ · અધ્યાય 9.008

એતે સોમા અભિ પ્રિયમ્ ઇન્દ્રસ્ય કામમ્ અક્ષરન્ ।
વર્ધન્તો અસ્ય વીર્યમ્ ॥

પુનાનાસશ્ ચમૂષદો ગચ્છન્તો વાયુમ્ અશ્વિના ।
તે નો ધાન્તુ સુવીર્યમ્ ॥

ઇન્દ્રસ્ય સોમ રાધસે પુનાનો હાર્દિ ચોદય ।
ઋતસ્ય યોનિમ્ આસદમ્ ॥

મૃજન્તિ ત્વા દશ ક્ષિપો હિન્વન્તિ સપ્ત ધીતયઃ ।
અનુ વિપ્રા અમાદિષુઃ ॥

દેવેભ્યસ્ ત્વા મદાય કં સૃજાનમ્ અતિ મેષ્યઃ ।
સં ગોભિર્ વાસયામસિ ॥

પુનાનઃ કલશેષ્વ્ આ વસ્ત્રાણ્ય્ અરુષો હરિઃ ।
પરિ ગવ્યાન્ય્ અવ્યત ॥

મઘોન આ પવસ્વ નો જહિ વિશ્વા અપ દ્વિષઃ ।
ઇન્દો સખાયમ્ આ વિશ ॥

વૃષ્ટિં દિવઃ પરિ સ્રવ દ્યુમ્નમ્ પૃથિવ્યા અધિ ।
સહો નઃ સોમ પૃત્સુ ધાઃ ॥

નૃચક્ષસં ત્વા વયમ્ ઇન્દ્રપીતં સ્વર્વિદમ્ ।
ભક્ષીમહિ પ્રજામ્ ઇષમ્ ॥