ઋગ્વેદ · અધ્યાય 9.007

અસૃગ્રમ્ ઇન્દવઃ પથા ધર્મન્ન્ ઋતસ્ય સુશ્રિયઃ ।
વિદાના અસ્ય યોજનમ્ ॥

પ્ર ધારા મધ્વો અગ્રિયો મહીર્ અપો વિ ગાહતે ।
હવિર્ હવિષ્ષુ વન્દ્યઃ ॥

પ્ર યુજો વાચો અગ્રિયો વૃષાવ ચક્રદદ્ વને ।
સદ્માભિ સત્યો અધ્વરઃ ॥

પરિ યત્ કાવ્યા કવિર્ નૃમ્ણા વસાનો અર્ષતિ ।
સ્વર્ વાજી સિષાસતિ ॥

પવમાનો અભિ સ્પૃધો વિશો રાજેવ સીદતિ ।
યદ્ ઈમ્ ઋણ્વન્તિ વેધસઃ ॥

અવ્યો વારે પરિ પ્રિયો હરિર્ વનેષુ સીદતિ ।
રેભો વનુષ્યતે મતી ॥

સ વાયુમ્ ઇન્દ્રમ્ અશ્વિના સાકમ્ મદેન ગચ્છતિ ।
રણા યો અસ્ય ધર્મભિઃ ॥

આ મિત્રાવરુણા ભગમ્ મધ્વઃ પવન્ત ઊર્મયઃ ।
વિદાના અસ્ય શક્મભિઃ ॥

અસ્મભ્યં રોદસી રયિમ્ મધ્વો વાજસ્ય સાતયે ।
શ્રવો વસૂનિ સં જિતમ્ ॥