ઋગ્વેદ · અધ્યાય 9.006

મન્દ્રયા સોમ ધારયા વૃષા પવસ્વ દેવયુઃ ।
અવ્યો વારેષ્વ્ અસ્મયુઃ ॥

અભિ ત્યમ્ મદ્યમ્ મદમ્ ઇન્દવ્ ઇન્દ્ર ઇતિ ક્ષર ।
અભિ વાજિનો અર્વતઃ ॥

અભિ ત્યમ્ પૂર્વ્યમ્ મદં સુવાનો અર્ષ પવિત્ર આ ।
અભિ વાજમ્ ઉત શ્રવઃ ॥

અનુ દ્રપ્સાસ ઇન્દવ આપો ન પ્રવતાસરન્ ।
પુનાના ઇન્દ્રમ્ આશત ॥

યમ્ અત્યમ્ ઇવ વાજિનમ્ મૃજન્તિ યોષણો દશ ।
વને ક્રીળન્તમ્ અત્યવિમ્ ॥

તં ગોભિર્ વૃષણં રસમ્ મદાય દેવવીતયે ।
સુતમ્ ભરાય સં સૃજ ॥

દેવો દેવાય ધારયેન્દ્રાય પવતે સુતઃ ।
પયો યદ્ અસ્ય પીપયત્ ॥

આત્મા યજ્ઞસ્ય રંહ્યા સુષ્વાણઃ પવતે સુતઃ ।
પ્રત્નં નિ પાતિ કાવ્યમ્ ॥

એવા પુનાન ઇન્દ્રયુર્ મદમ્ મદિષ્ઠ વીતયે ।
ગુહા ચિદ્ દધિષે ગિરઃ ॥