ઋગ્વેદ · અધ્યાય 9.001

સ્વાદિષ્ઠયા મદિષ્ઠયા પવસ્વ સોમ ધારયા ।
ઇન્દ્રાય પાતવે સુતઃ ॥

રક્ષોહા વિશ્વચર્ષણિર્ અભિ યોનિમ્ અયોહતમ્ ।
દ્રુણા સધસ્થમ્ આસદત્ ॥

વરિવોધાતમો ભવ મંહિષ્ઠો વૃત્રહન્તમઃ ।
પર્ષિ રાધો મઘોનામ્ ॥

અભ્ય્ અર્ષ મહાનાં દેવાનાં વીતિમ્ અન્ધસા ।
અભિ વાજમ્ ઉત શ્રવઃ ॥

ત્વામ્ અચ્છા ચરામસિ તદ્ ઇદ્ અર્થં દિવે-દિવે ।
ઇન્દો ત્વે ન આશસઃ ॥

પુનાતિ તે પરિસ્રુતં સોમં સૂર્યસ્ય દુહિતા ।
વારેણ શશ્વતા તના ॥

તમ્ ઈમ્ અણ્વીઃ સમર્ય આ ગૃભ્ણન્તિ યોષણો દશ ।
સ્વસારઃ પાર્યે દિવિ ॥

તમ્ ઈં હિન્વન્ત્ય્ અગ્રુવો ધમન્તિ બાકુરં દૃતિમ્ ।
ત્રિધાતુ વારણમ્ મધુ ॥

અભી3મમ્ અઘ્ન્યા ઉત શ્રીણન્તિ ધેનવઃ શિશુમ્ ।
સોમમ્ ઇન્દ્રાય પાતવે ॥

અસ્યેદ્ ઇન્દ્રો મદેષ્વ્ આ વિશ્વા વૃત્રાણિ જિઘ્નતે ।
શૂરો મઘા ચ મંહતે ॥