ઋગ્વેદ · અધ્યાય 8.089

બૃહદ્ ઇન્દ્રાય ગાયત મરુતો વૃત્રહંતમમ્ ।
યેન જ્યોતિર્ અજનયન્ન્ ઋતાવૃધો દેવં દેવાય જાગૃવિ ॥

અપાધમદ્ અભિશસ્તીર્ અશસ્તિહાથેન્દ્રો દ્યુમ્ન્ય્ આભવત્ ।
દેવાસ્ ત ઇન્દ્ર સખ્યાય યેમિરે બૃહદ્ભાનો મરુદ્ગણ ॥

પ્ર વ ઇન્દ્રાય બૃહતે મરુતો બ્રહ્માર્ચત ।
વૃત્રં હનતિ વૃત્રહા શતક્રતુર્ વજ્રેણ શતપર્વણા ॥

અભિ પ્ર ભર ધૃષતા ધૃષન્મનઃ શ્રવશ્ ચિત્ તે અસદ્ બૃહત્ ।
અર્ષન્ત્વ્ આપો જવસા વિ માતરો હનો વૃત્રં જયા સ્વઃ ॥

યજ્ જાયથા અપૂર્વ્ય મઘવન્ વૃત્રહત્યાય ।
તત્ પૃથિવીમ્ અપ્રથયસ્ તદ્ અસ્તભ્ના ઉત દ્યામ્ ॥

તત્ તે યજ્ઞો અજાયત તદ્ અર્ક ઉત હસ્કૃતિઃ ।
તદ્ વિશ્વમ્ અભિભૂર્ અસિ યજ્ જાતં યચ્ ચ જન્ત્વમ્ ॥

આમાસુ પક્વમ્ ઐરય આ સૂર્યં રોહયો દિવિ ।
ઘર્મં ન સામન્ તપતા સુવૃક્તિભિર્ જુષ્ટં ગિર્વણસે બૃહત્ ॥