ઋગ્વેદ · અધ્યાય 8.088

તં વો દસ્મમ્ ઋતીષહં વસોર્ મન્દાનમ્ અન્ધસઃ ।
અભિ વત્સં ન સ્વસરેષુ ધેનવ ઇન્દ્રં ગીર્ભિર્ નવામહે ॥

દ્યુક્ષં સુદાનું તવિષીભિર્ આવૃતં ગિરિં ન પુરુભોજસમ્ ।
ક્ષુમન્તં વાજં શતિનં સહસ્રિણમ્ મક્ષૂ ગોમન્તમ્ ઈમહે ॥

ન ત્વા બૃહન્તો અદ્રયો વરન્ત ઇન્દ્ર વીળવઃ ।
યદ્ દિત્સસિ સ્તુવતે માવતે વસુ નકિષ્ ટદ્ આ મિનાતિ તે ॥

યોદ્ધાસિ ક્રત્વા શવસોત દંસના વિશ્વા જાતાભિ મજ્મના ।
આ ત્વાયમ્ અર્ક ઊતયે વવર્તતિ યં ગોતમા અજીજનન્ ॥

પ્ર હિ રિરિક્ષ ઓજસા દિવો અન્તેભ્યસ્ પરિ ।
ન ત્વા વિવ્યાચ રજ ઇન્દ્ર પાર્થિવમ્ અનુ સ્વધાં વવક્ષિથ ॥

નકિઃ પરિષ્ટિર્ મઘવન્ મઘસ્ય તે યદ્ દાશુષે દશસ્યસિ ।
અસ્માકમ્ બોધ્ય્ ઉચથસ્ય ચોદિતા મંહિષ્ઠો વાજસાતયે ॥