ઋગ્વેદ · અધ્યાય 8.090

આ નો વિશ્વાસુ હવ્ય ઇન્દ્રઃ સમત્સુ ભૂષતુ ।
ઉપ બ્રહ્માણિ સવનાનિ વૃત્રહા પરમજ્યા ઋચીષમઃ ॥

ત્વં દાતા પ્રથમો રાધસામ્ અસ્ય્ અસિ સત્ય ઈશાનકૃત્ ।
તુવિદ્યુમ્નસ્ય યુજ્યા વૃણીમહે પુત્રસ્ય શવસો મહઃ ॥

બ્રહ્મા ત ઇન્દ્ર ગિર્વણઃ ક્રિયન્તે અનતિદ્ભુતા ।
ઇમા જુષસ્વ હર્યશ્વ યોજનેન્દ્ર યા તે અમન્મહિ ॥

ત્વં હિ સત્યો મઘવન્ન્ અનાનતો વૃત્રા ભૂરિ ન્યૃઞ્જસે ।
સ ત્વં શવિષ્ઠ વજ્રહસ્ત દાશુષે ઽર્વાઞ્ચં રયિમ્ આ કૃધિ ॥

ત્વમ્ ઇન્દ્ર યશા અસ્ય્ ઋજીષી શવસસ્ પતે ।
ત્વં વૃત્રાણિ હંસ્ય્ અપ્રતીન્ય્ એક ઇદ્ અનુત્તા ચર્ષણીધૃતા ॥

તમ્ ઉ ત્વા નૂનમ્ અસુર પ્રચેતસં રાધો ભાગમ્ ઇવેમહે ।
મહીવ કૃત્તિઃ શરણા ત ઇન્દ્ર પ્ર તે સુમ્ના નો અશ્નવન્ ॥