ઋગ્વેદ · અધ્યાય 8.083

દેવાનામ્ ઇદ્ અવો મહત્ તદ્ આ વૃણીમહે વયમ્ ।
વૃષ્ણામ્ અસ્મભ્યમ્ ઊતયે ॥

તે નઃ સન્તુ યુજઃ સદા વરુણો મિત્રો અર્યમા ।
વૃધાસશ્ ચ પ્રચેતસઃ ॥

અતિ નો વિષ્પિતા પુરુ નૌભિર્ અપો ન પર્ષથ ।
યૂયમ્ ઋતસ્ય રથ્યઃ ॥

વામં નો અસ્ત્વ્ અર્યમન્ વામં વરુણ શંસ્યમ્ ।
વામં હ્ય્ આવૃણીમહે ॥

વામસ્ય હિ પ્રચેતસ ઈશાનાશો રિશાદસઃ ।
નેમ્ આદિત્યા અઘસ્ય યત્ ॥

વયમ્ ઇદ્ વઃ સુદાનવઃ ક્ષિયન્તો યાન્તો અધ્વન્ન્ આ ।
દેવા વૃધાય હૂમહે ॥

અધિ ન ઇન્દ્રૈષાં વિષ્ણો સજાત્યાનામ્ ।
ઇતા મરુતો અશ્વિના ॥

પ્ર ભ્રાતૃત્વં સુદાનવો ઽધ દ્વિતા સમાન્યા ।
માતુર્ ગર્ભે ભરામહે ॥

યૂયં હિ ષ્ઠા સુદાનવ ઇન્દ્રજ્યેષ્ઠા અભિદ્યવઃ ।
અધા ચિદ્ વ ઉત બ્રુવે ॥