ઋગ્વેદ · અધ્યાય 8.075

યુક્ષ્વા હિ દેવહૂતમાઁ અશ્વાઁ અગ્ને રથીર્ ઇવ ।
નિ હોતા પૂર્વ્યઃ સદઃ ॥

ઉત નો દેવ દેવાઁ અચ્છા વોચો વિદુષ્ટરઃ ।
શ્રદ્ વિશ્વા વાર્યા કૃધિ ॥

ત્વં હ યદ્ યવિષ્ઠ્ય સહસઃ સૂનવ્ આહુત ।
ઋતાવા યજ્ઞિયો ભુવઃ ॥

અયમ્ અગ્નિઃ સહસ્રિણો વાજસ્ય શતિનસ્ પતિઃ ।
મૂર્ધા કવી રયીણામ્ ॥

તં નેમિમ્ ઋભવો યથા નમસ્વ સહૂતિભિઃ ।
નેદીયો યજ્ઞમ્ અઙ્ગિરઃ ॥

તસ્મૈ નૂનમ્ અભિદ્યવે વાચા વિરૂપ નિત્યયા ।
વૃષ્ણે ચોદસ્વ સુષ્ટુતિમ્ ॥

કમ્ ઉ ષ્વિદ્ અસ્ય સેનયાગ્નેર્ અપાકચક્ષસઃ ।
પણિં ગોષુ સ્તરામહે ॥

મા નો દેવાનાં વિશઃ પ્રસ્નાતીર્ ઇવોસ્રાઃ ।
કૃશં ન હાસુર્ અઘ્ન્યાઃ ॥

મા નઃ સમસ્ય દૂઢ્ય1ઃ પરિદ્વેષસો અંહતિઃ ।
ઊર્મિર્ ન નાવમ્ આ વધીત્ ॥

નમસ્ તે અગ્ન ઓજસે ગૃણન્તિ દેવ કૃષ્ટયઃ ।
અમૈર્ અમિત્રમ્ અર્દય ॥

કુવિત્ સુ નો ગવિષ્ટયે ઽગ્ને સંવેષિષો રયિમ્ ।
ઉરુકૃદ્ ઉરુ ણસ્ કૃધિ ॥

મા નો અસ્મિન્ મહાધને પરા વર્ગ્ ભારભૃદ્ યથા ।
સંવર્ગં સં રયિં જય ॥

અન્યમ્ અસ્મદ્ ભિયા ઇયમ્ અગ્ને સિષક્તુ દુચ્છુના ।
વર્ધા નો અમવચ્ છવઃ ॥

યસ્યાજુષન્ નમસ્વિનઃ શમીમ્ અદુર્મખસ્ય વા ।
તં ઘેદ્ અગ્નિર્ વૃધાવતિ ॥

પરસ્યા અધિ સંવતો ઽવરાઁ અભ્ય્ આ તર ।
યત્રાહમ્ અસ્મિ તાઁ અવ ॥

વિદ્મા હિ તે પુરા વયમ્ અગ્ને પિતુર્ યથાવસઃ ।
અધા તે સુમ્નમ્ ઈમહે ॥