ઋગ્વેદ · અધ્યાય 8.071

ત્વં નો અગ્ને મહોભિઃ પાહિ વિશ્વસ્યા અરાતેઃ ।
ઉત દ્વિષો મર્ત્યસ્ય ॥

નહિ મન્યુઃ પૌરુષેય ઈશે હિ વઃ પ્રિયજાત ।
ત્વમ્ ઇદ્ અસિ ક્ષપાવાન્ ॥

સ નો વિશ્વેભિર્ દેવેભિર્ ઊર્જો નપાદ્ ભદ્રશોચે ।
રયિં દેહિ વિશ્વવારમ્ ॥

ન તમ્ અગ્ને અરાતયો મર્તં યુવન્ત રાયઃ ।
યં ત્રાયસે દાશ્વાંસમ્ ॥

યં ત્વં વિપ્ર મેધસાતાવ્ અગ્ને હિનોષિ ધનાય ।
સ તવોતી ગોષુ ગન્તા ॥

ત્વં રયિમ્ પુરુવીરમ્ અગ્ને દાશુષે મર્તાય ।
પ્ર ણો નય વસ્યો અચ્છ ॥

ઉરુષ્યા ણો મા પરા દા અઘાયતે જાતવેદઃ ।
દુરાધ્યે3 મર્તાય ॥

અગ્ને માકિષ્ ટે દેવસ્ય રાતિમ્ અદેવો યુયોત ।
ત્વમ્ ઈશિષે વસૂનામ્ ॥

સ નો વસ્વ ઉપ માસ્ય્ ઊર્જો નપાન્ માહિનસ્ય ।
સખે વસો જરિતૃભ્યઃ ॥

અચ્છા નઃ શીરશોચિષં ગિરો યન્તુ દર્શતમ્ ।
અચ્છા યજ્ઞાસો નમસા પુરૂવસુમ્ પુરુપ્રશસ્તમ્ ઊતયે ॥

અગ્નિં સૂનું સહસો જાતવેદસં દાનાય વાર્યાણામ્ ।
દ્વિતા યો ભૂદ્ અમૃતો મર્ત્યેષ્વ્ આ હોતા મન્દ્રતમો વિશિ ॥

અગ્નિં વો દેવયજ્યયાગ્નિમ્ પ્રયત્ય્ અધ્વરે ।
અગ્નિં ધીષુ પ્રથમમ્ અગ્નિમ્ અર્વત્ય્ અગ્નિં ક્ષૈત્રાય સાધસે ॥

અગ્નિર્ ઇષાં સખ્યે દદાતુ ન ઈશે યો વાર્યાણામ્ ।
અગ્નિં તોકે તનયે શશ્વદ્ ઈમહે વસું સન્તં તનૂપામ્ ॥

અગ્નિમ્ ઈળિષ્વાવસે ગાથાભિઃ શીરશોચિષમ્ ।
અગ્નિં રાયે પુરુમીળ્હ શ્રુતં નરો ઽગ્નિં સુદીતયે છર્દિઃ ॥

અગ્નિં દ્વેષો યોતવૈ નો ગૃણીમસ્ય્ અગ્નિં શં યોશ્ ચ દાતવે ।
વિશ્વાસુ વિક્ષ્વ્ અવિતેવ હવ્યો ભુવદ્ વસ્તુર્ ઋષૂણામ્ ॥