ઋગ્વેદ · અધ્યાય 8.066

તરોભિર્ વો વિદદ્વસુમ્ ઇન્દ્રં સબાધ ઊતયે ।
બૃહદ્ ગાયન્તઃ સુતસોમે અધ્વરે હુવે ભરં ન કારિણમ્ ॥

ન યં દુધ્રા વરન્તે ન સ્થિરા મુરો મદે સુશિપ્રમ્ અન્ધસઃ ।
ય આદૃત્યા શશમાનાય સુન્વતે દાતા જરિત્ર ઉક્થ્યમ્ ॥

યઃ શક્રો મૃક્ષો અશ્વ્યો યો વા કીજો હિરણ્યયઃ ।
સ ઊર્વસ્ય રેજયત્ય્ અપાવૃતિમ્ ઇન્દ્રો ગવ્યસ્ય વૃત્રહા ॥

નિખાતં ચિદ્ યઃ પુરુસમ્ભૃતં વસૂદ્ ઇદ્ વપતિ દાશુષે ।
વજ્રી સુશિપ્રો હર્યશ્વ ઇત્ કરદ્ ઇન્દ્રઃ ક્રત્વા યથા વશત્ ॥

યદ્ વાવન્થ પુરુષ્ટુત પુરા ચિચ્ છૂર નૃણામ્ ।
વયં તત્ ત ઇન્દ્ર સમ્ ભરામસિ યજ્ઞમ્ ઉક્થં તુરં વચઃ ॥

સચા સોમેષુ પુરુહૂત વજ્રિવો મદાય દ્યુક્ષ સોમપાઃ ।
ત્વમ્ ઇદ્ ધિ બ્રહ્મકૃતે કામ્યં વસુ દેષ્ઠઃ સુન્વતે ભુવઃ ॥

વયમ્ એનમ્ ઇદા હ્યો ઽપીપેમેહ વજ્રિણમ્ ।
તસ્મા ઉ અદ્ય સમના સુતમ્ ભરા નૂનમ્ ભૂષત શ્રુતે ॥

વૃકશ્ ચિદ્ અસ્ય વારણ ઉરામથિર્ આ વયુનેષુ ભૂષતિ ।
સેમં નઃ સ્તોમં જુજુષાણ આ ગહીન્દ્ર પ્ર ચિત્રયા ધિયા ॥

કદ્ ઊ ન્વ્ અ1સ્યાકૃતમ્ ઇન્દ્રસ્યાસ્તિ પૌંસ્યમ્ ।
કેનો નુ કં શ્રોમતેન ન શુશ્રુવે જનુષઃ પરિ વૃત્રહા ॥

કદ્ ઊ મહીર્ અધૃષ્ટા અસ્ય તવિષીઃ કદ્ ઉ વૃત્રઘ્નો અસ્તૃતમ્ ।
ઇન્દ્રો વિશ્વાન્ બેકનાટાઁ અહર્દૃશ ઉત ક્રત્વા પણીઁર્ અભિ ॥

વયં ઘા તે અપૂર્વ્યેન્દ્ર બ્રહ્માણિ વૃત્રહન્ ।
પુરૂતમાસઃ પુરુહૂત વજ્રિવો ભૃતિં ન પ્ર ભરામસિ ॥

પૂર્વીશ્ ચિદ્ ધિ ત્વે તુવિકૂર્મિન્ન્ આશસો હવન્ત ઇન્દ્રોતયઃ ।
તિરશ્ ચિદ્ અર્યઃ સવના વસો ગહિ શવિષ્ઠ શ્રુધિ મે હવમ્ ॥

વયં ઘા તે ત્વે ઇદ્ વ્ ઇન્દ્ર વિપ્રા અપિ ષ્મસિ ।
નહિ ત્વદ્ અન્યઃ પુરુહૂત કશ્ ચન મઘવન્ન્ અસ્તિ મર્ડિતા ॥

ત્વં નો અસ્યા અમતેર્ ઉત ક્ષુધો3 ઽભિશસ્તેર્ અવ સ્પૃધિ ।
ત્વં ન ઊતી તવ ચિત્રયા ધિયા શિક્ષા શચિષ્ઠ ગાતુવિત્ ॥

સોમ ઇદ્ વઃ સુતો અસ્તુ કલયો મા બિભીતન ।
અપેદ્ એષ ધ્વસ્માયતિ સ્વયં ઘૈષો અપાયતિ ॥