ઋગ્વેદ · અધ્યાય 8.063

સ પૂર્વ્યો મહાનાં વેનઃ ક્રતુભિર્ આનજે ।
યસ્ય દ્વારા મનુષ્ પિતા દેવેષુ ધિય આનજે ॥

દિવો માનં નોત્ સદન્ સોમપૃષ્ઠાસો અદ્રયઃ ।
ઉક્થા બ્રહ્મ ચ શંસ્યા ॥

સ વિદ્વાઁ અઙ્ગિરોભ્ય ઇન્દ્રો ગા અવૃણોદ્ અપ ।
સ્તુષે તદ્ અસ્ય પૌંસ્યમ્ ॥

સ પ્રત્નથા કવિવૃધ ઇન્દ્રો વાકસ્ય વક્ષણિઃ ।
શિવો અર્કસ્ય હોમન્ય્ અસ્મત્રા ગન્ત્વ્ અવસે ॥

આદ્ ઊ નુ તે અનુ ક્રતું સ્વાહા વરસ્ય યજ્યવઃ ।
શ્વાત્રમ્ અર્કા અનૂષતેન્દ્ર ગોત્રસ્ય દાવને ॥

ઇન્દ્રે વિશ્વાનિ વીર્યા કૃતાનિ કર્ત્વાનિ ચ ।
યમ્ અર્કા અધ્વરં વિદુઃ ॥

યત્ પાઞ્ચજન્યયા વિશેન્દ્રે ઘોષા અસૃક્ષત ।
અસ્તૃણાદ્ બર્હણા વિપો3 ઽર્યો માનસ્ય સ ક્ષયઃ ॥

ઇયમ્ ઉ તે અનુષ્ટુતિશ્ ચકૃષે તાનિ પૌંસ્યા ।
પ્રાવશ્ ચક્રસ્ય વર્તનિમ્ ॥

અસ્ય વૃષ્ણો વ્યોદન ઉરુ ક્રમિષ્ટ જીવસે ।
યવં ન પશ્વ આ દદે ॥

તદ્ દધાના અવસ્યવો યુષ્માભિર્ દક્ષપિતરઃ ।
સ્યામ મરુત્વતો વૃધે ॥

બળ્ ઋત્વિયાય ધામ્ન ઋક્વભિઃ શૂર નોનુમઃ ।
જેષામેન્દ્ર ત્વયા યુજા ॥

અસ્મે રુદ્રા મેહના પર્વતાસો વૃત્રહત્યે ભરહૂતૌ સજોષાઃ ।
યઃ શંસતે સ્તુવતે ધાયિ પજ્ર ઇન્દ્રજ્યેષ્ઠા અસ્માઁ અવન્તુ દેવાઃ ॥