ઋગ્વેદ · અધ્યાય 8.062

પ્રો અસ્મા ઉપસ્તુતિમ્ ભરતા યજ્ જુજોષતિ ।
ઉક્થૈર્ ઇન્દ્રસ્ય માહિનં વયો વર્ધન્તિ સોમિનો ભદ્રા ઇન્દ્રસ્ય રાતયઃ ॥

અયુજો અસમો નૃભિર્ એકઃ કૃષ્ટીર્ અયાસ્યઃ ।
પૂર્વીર્ અતિ પ્ર વાવૃધે વિશ્વા જાતાન્ય્ ઓજસા ભદ્રા ઇન્દ્રસ્ય રાતયઃ ॥

અહિતેન ચિદ્ અર્વતા જીરદાનુઃ સિષાસતિ ।
પ્રવાચ્યમ્ ઇન્દ્ર તત્ તવ વીર્યાણિ કરિષ્યતો ભદ્રા ઇન્દ્રસ્ય રાતયઃ ॥

આ યાહિ કૃણવામ ત ઇન્દ્ર બ્રહ્માણિ વર્ધના ।
યેભિઃ શવિષ્ઠ ચાકનો ભદ્રમ્ ઇહ શ્રવસ્યતે ભદ્રા ઇન્દ્રસ્ય રાતયઃ ॥

ધૃષતશ્ ચિદ્ ધૃષન્ મનઃ કૃણોષીન્દ્ર યત્ ત્વમ્ ।
તીવ્રૈઃ સોમૈઃ સપર્યતો નમોભિઃ પ્રતિભૂષતો ભદ્રા ઇન્દ્રસ્ય રાતયઃ ॥

અવ ચષ્ટ ઋચીષમો ઽવતાઁ ઇવ માનુષઃ ।
જુષ્ટ્વી દક્ષસ્ય સોમિનઃ સખાયં કૃણુતે યુજમ્ ભદ્રા ઇન્દ્રસ્ય રાતયઃ ॥

વિશ્વે ત ઇન્દ્ર વીર્યં દેવા અનુ ક્રતું દદુઃ ।
ભુવો વિશ્વસ્ય ગોપતિઃ પુરુષ્ટુત ભદ્રા ઇન્દ્રસ્ય રાતયઃ ॥

ગૃણે તદ્ ઇન્દ્ર તે શવ ઉપમં દેવતાતયે ।
યદ્ ધંસિ વૃત્રમ્ ઓજસા શચીપતે ભદ્રા ઇન્દ્રસ્ય રાતયઃ ॥

સમનેવ વપુષ્યતઃ કૃણવન્ માનુષા યુગા ।
વિદે તદ્ ઇન્દ્રશ્ ચેતનમ્ અધ શ્રુતો ભદ્રા ઇન્દ્રસ્ય રાતયઃ ॥

ઉજ્ જાતમ્ ઇન્દ્ર તે શવ ઉત્ ત્વામ્ ઉત્ તવ ક્રતુમ્ ।
ભૂરિગો ભૂરિ વાવૃધુર્ મઘવન્ તવ શર્મણિ ભદ્રા ઇન્દ્રસ્ય રાતયઃ ॥

અહં ચ ત્વં ચ વૃત્રહન્ સં યુજ્યાવ સનિભ્ય આ ।
અરાતીવા ચિદ્ અદ્રિવો ઽનુ નૌ શૂર મંસતે ભદ્રા ઇન્દ્રસ્ય રાતયઃ ॥

સત્યમ્ ઇદ્ વા ઉ તં વયમ્ ઇન્દ્રં સ્તવામ નાનૃતમ્ ।
મહાઁ અસુન્વતો વધો ભૂરિ જ્યોતીંષિ સુન્વતો ભદ્રા ઇન્દ્રસ્ય રાતયઃ ॥