ઋગ્વેદ · અધ્યાય 8.061

ઉભયં શૃણવચ્ ચ ન ઇન્દ્રો અર્વાગ્ ઇદં વચઃ ।
સત્રાચ્યા મઘવા સોમપીતયે ધિયા શવિષ્ઠ આ ગમત્ ॥

તં હિ સ્વરાજં વૃષભં તમ્ ઓજસે ધિષણે નિષ્ટતક્ષતુઃ ।
ઉતોપમાનામ્ પ્રથમો નિ ષીદસિ સોમકામં હિ તે મનઃ ॥

આ વૃષસ્વ પુરૂવસો સુતસ્યેન્દ્રાન્ધસઃ ।
વિદ્મા હિ ત્વા હરિવઃ પૃત્સુ સાસહિમ્ અધૃષ્ટં ચિદ્ દધૃષ્વણિમ્ ॥

અપ્રામિસત્ય મઘવન્ તથેદ્ અસદ્ ઇન્દ્ર ક્રત્વા યથા વશઃ ।
સનેમ વાજં તવ શિપ્રિન્ન્ અવસા મક્ષૂ ચિદ્ યન્તો અદ્રિવઃ ॥

શગ્ધ્ય્ ઊ3 ષુ શચીપત ઇન્દ્ર વિશ્વાભિર્ ઊતિભિઃ ।
ભગં ન હિ ત્વા યશસં વસુવિદમ્ અનુ શૂર ચરામસિ ॥

પૌરો અશ્વસ્ય પુરુકૃદ્ ગવામ્ અસ્ય્ ઉત્સો દેવ હિરણ્યયઃ ।
નકિર્ હિ દાનમ્ પરિમર્ધિષત્ ત્વે યદ્-યદ્ યામિ તદ્ આ ભર ॥

ત્વં હ્ય્ એહિ ચેરવે વિદા ભગં વસુત્તયે ।
ઉદ્ વાવૃષસ્વ મઘવન્ ગવિષ્ટય ઉદ્ ઇન્દ્રાશ્વમિષ્ટયે ॥

ત્વમ્ પુરૂ સહસ્રાણિ શતાનિ ચ યૂથા દાનાય મંહસે ।
આ પુરંદરં ચકૃમ વિપ્રવચસ ઇન્દ્રં ગાયન્તો ઽવસે ॥

અવિપ્રો વા યદ્ અવિધદ્ વિપ્રો વેન્દ્ર તે વચઃ ।
સ પ્ર મમન્દત્ ત્વાયા શતક્રતો પ્રાચામન્યો અહંસન ॥

ઉગ્રબાહુર્ મ્રક્ષકૃત્વા પુરંદરો યદિ મે શૃણવદ્ ધવમ્ ।
વસૂયવો વસુપતિં શતક્રતું સ્તોમૈર્ ઇન્દ્રં હવામહે ॥

ન પાપાસો મનામહે નારાયાસો ન જળ્હવઃ ।
યદ્ ઇન્ ન્વ્ ઇન્દ્રં વૃષણં સચા સુતે સખાયં કૃણવામહૈ ॥

ઉગ્રં યુયુજ્મ પૃતનાસુ સાસહિમ્ ઋણકાતિમ્ અદાભ્યમ્ ।
વેદા ભૃમં ચિત્ સનિતા રથીતમો વાજિનં યમ્ ઇદ્ ઊ નશત્ ॥

યત ઇન્દ્ર ભયામહે તતો નો અભયં કૃધિ ।
મઘવઞ્ છગ્ધિ તવ તન્ ન ઊતિભિર્ વિ દ્વિષો વિ મૃધો જહિ ॥

ત્વં હિ રાધસ્પતે રાધસો મહઃ ક્ષયસ્યાસિ વિધતઃ ।
તં ત્વા વયમ્ મઘવન્ન્ ઇન્દ્ર ગિર્વણઃ સુતાવન્તો હવામહે ॥

ઇન્દ્રઃ સ્પળ્ ઉત વૃત્રહા પરસ્પા નો વરેણ્યઃ ।
સ નો રક્ષિષચ્ ચરમં સ મધ્યમં સ પશ્ચાત્ પાતુ નઃ પુરઃ ॥

ત્વં નઃ પશ્ચાદ્ અધરાદ્ ઉત્તરાત્ પુર ઇન્દ્ર નિ પાહિ વિશ્વતઃ ।
આરે અસ્મત્ કૃણુહિ દૈવ્યમ્ ભયમ્ આરે હેતીર્ અદેવીઃ ॥

અદ્યાદ્યા શ્વઃ-શ્વ ઇન્દ્ર ત્રાસ્વ પરે ચ નઃ ।
વિશ્વા ચ નો જરિતૄન્ સત્પતે અહા દિવા નક્તં ચ રક્ષિષઃ ॥

પ્રભઙ્ગી શૂરો મઘવા તુવીમઘઃ સમ્મિશ્લો વિર્યાય કમ્ ।
ઉભા તે બાહૂ વૃષણા શતક્રતો નિ યા વજ્રમ્ મિમિક્ષતુઃ ॥