ઋગ્વેદ · અધ્યાય 8.052

યથા મનૌ વિવસ્વતિ સોમં શક્રાપિબઃ સુતમ્ ।
યથા ત્રિતે છન્દ ઇન્દ્ર જુજોષસ્ય્ આયૌ માદયસે સચા ॥

પૃષધ્રે મેધ્યે માતરિશ્વનીન્દ્ર સુવાને અમન્દથાઃ ।
યથા સોમં દશશિપ્રે દશોણ્યે સ્યૂમરશ્માવ્ ઋજૂનસિ ॥

ય ઉક્થા કેવલા દધે યઃ સોમં ધૃષિતાપિબત્ ।
યસ્મૈ વિષ્ણુસ્ ત્રીણિ પદા વિચક્રમ ઉપ મિત્રસ્ય ધર્મભિઃ ॥

યસ્ય ત્વમ્ ઇન્દ્ર સ્તોમેષુ ચાકનો વાજે વાજિઞ્ છતક્રતો ।
તં ત્વા વયં સુદુઘામ્ ઇવ ગોદુહો જુહૂમસિ શ્રવસ્યવઃ ॥

યો નો દાતા સ નઃ પિતા મહાઁ ઉગ્ર ઈશાનકૃત્ ।
અયામન્ન્ ઉગ્રો મઘવા પુરૂવસુર્ ગોર્ અશ્વસ્ય પ્ર દાતુ નઃ ॥

યસ્મૈ ત્વં વસો દાનાય મંહસે સ રાયસ્ પોષમ્ ઇન્વતિ ।
વસૂયવો વસુપતિં શતક્રતું સ્તોમૈર્ ઇન્દ્રં હવામહે ॥

કદા ચન પ્ર યુચ્છસ્ય્ ઉભે નિ પાસિ જન્મની ।
તુરીયાદિત્ય હવનં ત ઇન્દ્રિયમ્ આ તસ્થાવ્ અમૃતં દિવિ ॥

યસ્મૈ ત્વમ્ મઘવન્ન્ ઇન્દ્ર ગિર્વણઃ શિક્ષો શિક્ષસિ દાશુષે ।
અસ્માકં ગિર ઉત સુષ્ટુતિં વસો કણ્વવચ્ છૃણુધી હવમ્ ॥

અસ્તાવિ મન્મ પૂર્વ્યમ્ બ્રહ્મેન્દ્રાય વોચત ।
પૂર્વીર્ ઋતસ્ય બૃહતીર્ અનૂષત સ્તોતુર્ મેધા અસૃક્ષત ॥

સમ્ ઇન્દ્રો રાયો બૃહતીર્ અધૂનુત સં ક્ષોણી સમ્ ઉ સૂર્યમ્ ।
સં શુક્રાસઃ શુચયઃ સં ગવાશિરઃ સોમા ઇન્દ્રમ્ અમન્દિષુઃ ॥