ઋગ્વેદ · અધ્યાય 8.049

અભિ પ્ર વઃ સુરાધસમ્ ઇન્દ્રમ્ અર્ચ યથા વિદે ।
યો જરિતૃભ્યો મઘવા પુરૂવસુઃ સહસ્રેણેવ શિક્ષતિ ॥

શતાનીકેવ પ્ર જિગાતિ ધૃષ્ણુયા હન્તિ વૃત્રાણિ દાશુષે ।
ગિરેર્ ઇવ પ્ર રસા અસ્ય પિન્વિરે દત્રાણિ પુરુભોજસઃ ॥

આ ત્વા સુતાસ ઇન્દવો મદા ય ઇન્દ્ર ગિર્વણઃ ।
આપો ન વજ્રિન્ન્ અન્વ્ ઓક્ય1ં સરઃ પૃણન્તિ શૂર રાધસે ॥

અનેહસમ્ પ્રતરણં વિવક્ષણમ્ મધ્વઃ સ્વાદિષ્ઠમ્ ઈમ્ પિબ ।
આ યથા મન્દસાનઃ કિરાસિ નઃ પ્ર ક્ષુદ્રેવ ત્મના ધૃષત્ ॥

આ નઃ સ્તોમમ્ ઉપ દ્રવદ્ ધિયાનો અશ્વો ન સોતૃભિઃ ।
યં તે સ્વધાવન્ સ્વદયન્તિ ધેનવ ઇન્દ્ર કણ્વેષુ રાતયઃ ॥

ઉગ્રં ન વીરં નમસોપ સેદિમ વિભૂતિમ્ અક્ષિતાવસુમ્ ।
ઉદ્રીવ વજ્રિન્ન્ અવતો ન સિઞ્ચતે ક્ષરન્તીન્દ્ર ધીતયઃ ॥

યદ્ ધ નૂનં યદ્ વા યજ્ઞે યદ્ વા પૃથિવ્યામ્ અધિ ।
અતો નો યજ્ઞમ્ આશુભિર્ મહેમત ઉગ્ર ઉગ્રેભિર્ આ ગહિ ॥

અજિરાસો હરયો યે ત આશવો વાતા ઇવ પ્રસક્ષિણઃ ।
યેભિર્ અપત્યમ્ મનુષઃ પરીયસે યેભિર્ વિશ્વં સ્વર્ દૃશે ॥

એતાવતસ્ ત ઈમહ ઇન્દ્ર સુમ્નસ્ય ગોમતઃ ।
યથા પ્રાવો મઘવન્ મેધ્યાતિથિં યથા નીપાતિથિં ધને ॥

યથા કણ્વે મઘવન્ ત્રસદસ્યવિ યથા પક્થે દશવ્રજે ।
યથા ગોશર્યે અસનોર્ ઋજિશ્વનીન્દ્ર ગોમદ્ ધિરણ્યવત્ ॥