ઋગ્વેદ · અધ્યાય 8.047

મહિ વો મહતામ્ અવો વરુણ મિત્ર દાશુષે ।
યમ્ આદિત્યા અભિ દ્રુહો રક્ષથા નેમ્ અઘં નશદ્ અનેહસો વ ઊતયઃ સુઊતયો વ ઊતયઃ ॥

વિદા દેવા અઘાનામ્ આદિત્યાસો અપાકૃતિમ્ ।
પક્ષા વયો યથોપરિ વ્ય્ અ1સ્મે શર્મ યચ્છતાનેહસો વ ઊતયઃ સુઊતયો વ ઊતયઃ ॥

વ્ય્ અ1સ્મે અધિ શર્મ તત્ પક્ષા વયો ન યન્તન ।
વિશ્વાનિ વિશ્વવેદસો વરૂથ્યા મનામહે ઽનેહસો વ ઊતયઃ સુઊતયો વ ઊતયઃ ॥

યસ્મા અરાસત ક્ષયં જીવાતું ચ પ્રચેતસઃ ।
મનોર્ વિશ્વસ્ય ઘેદ્ ઇમ આદિત્યા રાય ઈશતે ઽનેહસો વ ઊતયઃ સુઊતયો વ ઊતયઃ ॥

પરિ ણો વૃણજન્ન્ અઘા દુર્ગાણિ રથ્યો યથા ।
સ્યામેદ્ ઇન્દ્રસ્ય શર્મણ્ય્ આદિત્યાનામ્ ઉતાવસ્ય્ અનેહસો વ ઊતયઃ સુઊતયો વ ઊતયઃ ॥

પરિહ્વૃતેદ્ અના જનો યુષ્માદત્તસ્ય વાયતિ ।
દેવા અદભ્રમ્ આશ વો યમ્ આદિત્યા અહેતનાનેહસો વ ઊતયઃ સુઊતયો વ ઊતયઃ ॥

ન તં તિગ્મં ચન ત્યજો ન દ્રાસદ્ અભિ તં ગુરુ ।
યસ્મા ઉ શર્મ સપ્રથ આદિત્યાસો અરાધ્વમ્ અનેહસો વ ઊતયઃ સુઊતયો વ ઊતયઃ ॥

યુષ્મે દેવા અપિ ષ્મસિ યુધ્યન્ત ઇવ વર્મસુ ।
યૂયમ્ મહો ન એનસો યૂયમ્ અર્ભાદ્ ઉરુષ્યતાનેહસો વ ઊતયઃ સુઊતયો વ ઊતયઃ ॥

અદિતિર્ ન ઉરુષ્યત્વ્ અદિતિઃ શર્મ યચ્છતુ ।
માતા મિત્રસ્ય રેવતો ઽર્યમ્ણો વરુણસ્ય ચાનેહસો વ ઊતયઃ સુઊતયો વ ઊતયઃ ॥

યદ્ દેવાઃ શર્મ શરણં યદ્ ભદ્રં યદ્ અનાતુરમ્ ।
ત્રિધાતુ યદ્ વરૂથ્ય1ં તદ્ અસ્માસુ વિ યન્તનાનેહસો વ ઊતયઃ સુઊતયો વ ઊતયઃ ॥

આદિત્યા અવ હિ ખ્યતાધિ કૂલાદ્ ઇવ સ્પશઃ ।
સુતીર્થમ્ અર્વતો યથાનુ નો નેષથા સુગમ્ અનેહસો વ ઊતયઃ સુઊતયો વ ઊતયઃ ॥

નેહ ભદ્રં રક્ષસ્વિને નાવયૈ નોપયા ઉત ।
ગવે ચ ભદ્રં ધેનવે વીરાય ચ શ્રવસ્યતે ઽનેહસો વ ઊતયઃ સુઊતયો વ ઊતયઃ ॥

યદ્ આવિર્ યદ્ અપીચ્ય1ં દેવાસો અસ્તિ દુષ્કૃતમ્ ।
ત્રિતે તદ્ વિશ્વમ્ આપ્ત્ય આરે અસ્મદ્ દધાતનાનેહસો વ ઊતયઃ સુઊતયો વ ઊતયઃ ॥

યચ્ ચ ગોષુ દુષ્ષ્વપ્ન્યં યચ્ ચાસ્મે દુહિતર્ દિવઃ ।
ત્રિતાય તદ્ વિભાવર્ય્ આપ્ત્યાય પરા વહાનેહસો વ ઊતયઃ સુઊતયો વ ઊતયઃ ॥

નિષ્કં વા ઘા કૃણવતે સ્રજં વા દુહિતર્ દિવઃ ।
ત્રિતે દુષ્ષ્વપ્ન્યં સર્વમ્ આપ્ત્યે પરિ દદ્મસ્ય્ અનેહસો વ ઊતયઃ સુઊતયો વ ઊતયઃ ॥

તદન્નાય તદપસે તમ્ ભાગમ્ ઉપસેદુષે ।
ત્રિતાય ચ દ્વિતાય ચોષો દુષ્ષ્વપ્ન્યં વહાનેહસો વ ઊતયઃ સુઊતયો વ ઊતયઃ ॥

યથા કલાં યથા શફં યથ ઋણં સંનયામસિ ।
એવા દુષ્ષ્વપ્ન્યં સર્વમ્ આપ્ત્યે સં નયામસ્ય્ અનેહસો વ ઊતયઃ સુઊતયો વ ઊતયઃ ॥

અજૈષ્માદ્યાસનામ ચાભૂમાનાગસો વયમ્ ।
ઉષો યસ્માદ્ દુષ્ષ્વપ્ન્યાદ્ અભૈષ્માપ તદ્ ઉચ્છત્વ્ અનેહસો વ ઊતયઃ સુઊતયો વ ઊતયઃ ॥