ઋગ્વેદ · અધ્યાય 8.044

સમિધાગ્નિં દુવસ્યત ઘૃતૈર્ બોધયતાતિથિમ્ ।
આસ્મિન્ હવ્યા જુહોતન ॥

અગ્ને સ્તોમં જુષસ્વ મે વર્ધસ્વાનેન મન્મના ।
પ્રતિ સૂક્તાનિ હર્ય નઃ ॥

અગ્નિં દૂતમ્ પુરો દધે હવ્યવાહમ્ ઉપ બ્રુવે ।
દેવાઁ આ સાદયાદ્ ઇહ ॥

ઉત્ તે બૃહન્તો અર્ચયઃ સમિધાનસ્ય દીદિવઃ ।
અગ્ને શુક્રાસ ઈરતે ॥

ઉપ ત્વા જુહ્વો3 મમ ઘૃતાચીર્ યન્તુ હર્યત ।
અગ્ને હવ્યા જુષસ્વ નઃ ॥

મન્દ્રં હોતારમ્ ઋત્વિજં ચિત્રભાનું વિભાવસુમ્ ।
અગ્નિમ્ ઈળે સ ઉ શ્રવત્ ॥

પ્રત્નં હોતારમ્ ઈડ્યં જુષ્ટમ્ અગ્નિં કવિક્રતુમ્ ।
અધ્વરાણામ્ અભિશ્રિયમ્ ॥

જુષાણો અઙ્ગિરસ્તમેમા હવ્યાન્ય્ આનુષક્ ।
અગ્ને યજ્ઞં નય ઋતુથા ॥

સમિધાન ઉ સન્ત્ય શુક્રશોચ ઇહા વહ ।
ચિકિત્વાન્ દૈવ્યં જનમ્ ॥

વિપ્રં હોતારમ્ અદ્રુહં ધૂમકેતું વિભાવસુમ્ ।
યજ્ઞાનાં કેતુમ્ ઈમહે ॥

અગ્ને નિ પાહિ નસ્ ત્વમ્ પ્રતિ ષ્મ દેવ રીષતઃ ।
ભિન્ધિ દ્વેષઃ સહસ્કૃત ॥

અગ્નિઃ પ્રત્નેન મન્મના શુમ્ભાનસ્ તન્વ1ં સ્વામ્ ।
કવિર્ વિપ્રેણ વાવૃધે ॥

ઊર્જો નપાતમ્ આ હુવે ઽગ્નિમ્ પાવકશોચિષમ્ ।
અસ્મિન્ યજ્ઞે સ્વધ્વરે ॥

સ નો મિત્રમહસ્ ત્વમ્ અગ્ને શુક્રેણ શોચિષા ।
દેવૈર્ આ સત્સિ બર્હિષિ ॥

યો અગ્નિં તન્વો3 દમે દેવમ્ મર્તઃ સપર્યતિ ।
તસ્મા ઇદ્ દીદયદ્ વસુ ॥

અગ્નિર્ મૂર્ધા દિવઃ કકુત્ પતિઃ પૃથિવ્યા અયમ્ ।
અપાં રેતાંસિ જિન્વતિ ॥

ઉદ્ અગ્ને શુચયસ્ તવ શુક્રા ભ્રાજન્ત ઈરતે ।
તવ જ્યોતીંષ્ય્ અર્ચયઃ ॥

ઈશિષે વાર્યસ્ય હિ દાત્રસ્યાગ્ને સ્વર્પતિઃ ।
સ્તોતા સ્યાં તવ શર્મણિ ॥

ત્વામ્ અગ્ને મનીષિણસ્ ત્વાં હિન્વન્તિ ચિત્તિભિઃ ।
ત્વાં વર્ધન્તુ નો ગિરઃ ॥

અદબ્ધસ્ય સ્વધાવતો દૂતસ્ય રેભતઃ સદા ।
અગ્નેઃ સખ્યં વૃણીમહે ॥

અગ્નિઃ શુચિવ્રતતમઃ શુચિર્ વિપ્રઃ શુચિઃ કવિઃ ।
શુચી રોચત આહુતઃ ॥

ઉત ત્વા ધીતયો મમ ગિરો વર્ધન્તુ વિશ્વહા ।
અગ્ને સખ્યસ્ય બોધિ નઃ ॥

યદ્ અગ્ને સ્યામ્ અહં ત્વં ત્વં વા ઘા સ્યા અહમ્ ।
સ્યુષ્ ટે સત્યા ઇહાશિષઃ ॥

વસુર્ વસુપતિર્ હિ કમ્ અસ્ય્ અગ્ને વિભાવસુઃ ।
સ્યામ તે સુમતાવ્ અપિ ॥

અગ્ને ધૃતવ્રતાય તે સમુદ્રાયેવ સિન્ધવઃ ।
ગિરો વાશ્રાસ ઈરતે ॥

યુવાનં વિશ્પતિં કવિં વિશ્વાદમ્ પુરુવેપસમ્ ।
અગ્નિં શુમ્ભામિ મન્મભિઃ ॥

યજ્ઞાનાં રથ્યે વયં તિગ્મજમ્ભાય વીળવે ।
સ્તોમૈર્ ઇષેમાગ્નયે ॥

અયમ્ અગ્ને ત્વે અપિ જરિતા ભૂતુ સન્ત્ય ।
તસ્મૈ પાવક મૃળય ॥

ધીરો હ્ય્ અસ્ય્ અદ્મસદ્ વિપ્રો ન જાગૃવિઃ સદા ।
અગ્ને દીદયસિ દ્યવિ ॥

પુરાગ્ને દુરિતેભ્યઃ પુરા મૃધ્રેભ્યઃ કવે ।
પ્ર ણ આયુર્ વસો તિર ॥