ઋગ્વેદ · અધ્યાય 8.043

ઇમે વિપ્રસ્ય વેધસો ઽગ્નેર્ અસ્તૃતયજ્વનઃ ।
ગિરઃ સ્તોમાસ ઈરતે ॥

અસ્મૈ તે પ્રતિહર્યતે જાતવેદો વિચર્ષણે ।
અગ્ને જનામિ સુષ્ટુતિમ્ ॥

આરોકા ઇવ ઘેદ્ અહ તિગ્મા અગ્ને તવ ત્વિષઃ ।
દદ્ભિર્ વનાનિ બપ્સતિ ॥

હરયો ધૂમકેતવો વાતજૂતા ઉપ દ્યવિ ।
યતન્તે વૃથગ્ અગ્નયઃ ॥

એતે ત્યે વૃથગ્ અગ્નય ઇદ્ધાસઃ સમ્ અદૃક્ષત ।
ઉષસામ્ ઇવ કેતવઃ ॥

કૃષ્ણા રજાંસિ પત્સુતઃ પ્રયાણે જાતવેદસઃ ।
અગ્નિર્ યદ્ રોધતિ ક્ષમિ ॥

ધાસિં કૃણ્વાન ઓષધીર્ બપ્સદ્ અગ્નિર્ ન વાયતિ ।
પુનર્ યન્ તરુણીર્ અપિ ॥

જિહ્વાભિર્ અહ નન્નમદ્ અર્ચિષા જઞ્જણાભવન્ ।
અગ્નિર્ વનેષુ રોચતે ॥

અપ્સ્વ્ અગ્ને સધિષ્ ટવ સૌષધીર્ અનુ રુધ્યસે ।
ગર્ભે સઞ્ જાયસે પુનઃ ॥

ઉદ્ અગ્ને તવ તદ્ ઘૃતાદ્ અર્ચી રોચત આહુતમ્ ।
નિંસાનં જુહ્વો3 મુખે ॥

ઉક્ષાન્નાય વશાન્નાય સોમપૃષ્ઠાય વેધસે ।
સ્તોમૈર્ વિધેમાગ્નયે ॥

ઉત ત્વા નમસા વયં હોતર્ વરેણ્યક્રતો ।
અગ્ને સમિદ્ભિર્ ઈમહે ॥

ઉત ત્વા ભૃગુવચ્ છુચે મનુષ્વદ્ અગ્ન આહુત ।
અઙ્ગિરસ્વદ્ ધવામહે ॥

ત્વં હ્ય્ અગ્ને અગ્નિના વિપ્રો વિપ્રેણ સન્ સતા ।
સખા સખ્યા સમિધ્યસે ॥

સ ત્વં વિપ્રાય દાશુષે રયિં દેહિ સહસ્રિણમ્ ।
અગ્ને વીરવતીમ્ ઇષમ્ ॥

અગ્ને ભ્રાતઃ સહસ્કૃત રોહિદશ્વ શુચિવ્રત ।
ઇમં સ્તોમં જુષસ્વ મે ॥

ઉત ત્વાગ્ને મમ સ્તુતો વાશ્રાય પ્રતિહર્યતે ।
ગોષ્ઠં ગાવ ઇવાશત ॥

તુભ્યં તા અઙ્ગિરસ્તમ વિશ્વાઃ સુક્ષિતયઃ પૃથક્ ।
અગ્ને કામાય યેમિરે ॥

અગ્નિં ધીભિર્ મનીષિણો મેધિરાસો વિપશ્ચિતઃ ।
અદ્મસદ્યાય હિન્વિરે ॥

તં ત્વામ્ અજ્મેષુ વાજિનં તન્વાના અગ્ને અધ્વરમ્ ।
વહ્નિં હોતારમ્ ઈળતે ॥

પુરુત્રા હિ સદૃઙ્ઙ્ અસિ વિશો વિશ્વા અનુ પ્રભુઃ ।
સમત્સુ ત્વા હવામહે ॥

તમ્ ઈળિષ્વ ય આહુતો ઽગ્નિર્ વિભ્રાજતે ઘૃતૈઃ ।
ઇમં નઃ શૃણવદ્ ધવમ્ ॥

તં ત્વા વયં હવામહે શૃણ્વન્તં જાતવેદસમ્ ।
અગ્ને ઘ્નન્તમ્ અપ દ્વિષઃ ॥

વિશાં રાજાનમ્ અદ્ભુતમ્ અધ્યક્ષં ધર્મણામ્ ઇમમ્ ।
અગ્નિમ્ ઈળે સ ઉ શ્રવત્ ॥

અગ્નિં વિશ્વાયુવેપસમ્ મર્યં ન વાજિનં હિતમ્ ।
સપ્તિં ન વાજયામસિ ॥

ઘ્નન્ મૃધ્રાણ્ય્ અપ દ્વિષો દહન્ રક્ષાંસિ વિશ્વહા ।
અગ્ને તિગ્મેન દીદિહિ ॥

યં ત્વા જનાસ ઇન્ધતે મનુષ્વદ્ અઙ્ગિરસ્તમ ।
અગ્ને સ બોધિ મે વચઃ ॥

યદ્ અગ્ને દિવિજા અસ્ય્ અપ્સુજા વા સહસ્કૃત ।
તં ત્વા ગીર્ભિર્ હવામહે ॥

તુભ્યં ઘેત્ તે જના ઇમે વિશ્વાઃ સુક્ષિતયઃ પૃથક્ ।
ધાસિં હિન્વન્ત્ય્ અત્તવે ॥

તે ઘેદ્ અગ્ને સ્વાધ્યો ઽહા વિશ્વા નૃચક્ષસઃ ।
તરન્તઃ સ્યામ દુર્ગહા ॥

અગ્નિમ્ મન્દ્રમ્ પુરુપ્રિયં શીરમ્ પાવકશોચિષમ્ ।
હૃદ્ભિર્ મન્દ્રેભિર્ ઈમહે ॥

સ ત્વમ્ અગ્ને વિભાવસુઃ સૃજન્ સૂર્યો ન રશ્મિભિઃ ।
શર્ધન્ તમાંસિ જિઘ્નસે ॥

તત્ તે સહસ્વ ઈમહે દાત્રં યન્ નોપદસ્યતિ ।
ત્વદ્ અગ્ને વાર્યં વસુ ॥