ઋગ્વેદ · અધ્યાય 8.035

અગ્નિનેન્દ્રેણ વરુણેન વિષ્ણુનાદિત્યૈ રુદ્રૈર્ વસુભિઃ સચાભુવા ।
સજોષસા ઉષસા સૂર્યેણ ચ સોમમ્ પિબતમ્ અશ્વિના ॥

વિશ્વાભિર્ ધીભિર્ ભુવનેન વાજિના દિવા પૃથિવ્યાદ્રિભિઃ સચાભુવા ।
સજોષસા ઉષસા સૂર્યેણ ચ સોમમ્ પિબતમ્ અશ્વિના ॥

વિશ્વૈર્ દેવૈસ્ ત્રિભિર્ એકાદશૈર્ ઇહાદ્ભિર્ મરુદ્ભિર્ ભૃગુભિઃ સચાભુવા ।
સજોષસા ઉષસા સૂર્યેણ ચ સોમમ્ પિબતમ્ અશ્વિના ॥

જુષેથાં યજ્ઞમ્ બોધતં હવસ્ય મે વિશ્વેહ દેવૌ સવનાવ ગચ્છતમ્ ।
સજોષસા ઉષસા સૂર્યેણ ચેષં નો વોળ્હમ્ અશ્વિના ॥

સ્તોમં જુષેથાં યુવશેવ કન્યનાં વિશ્વેહ દેવૌ સવનાવ ગચ્છતમ્ ।
સજોષસા ઉષસા સૂર્યેણ ચેષં નો વોળ્હમ્ અશ્વિના ॥

ગિરો જુષેથામ્ અધ્વરં જુષેથાં વિશ્વેહ દેવૌ સવનાવ ગચ્છતમ્ ।
સજોષસા ઉષસા સૂર્યેણ ચેષં નો વોળ્હમ્ અશ્વિના ॥

હારિદ્રવેવ પતથો વનેદ્ ઉપ સોમં સુતમ્ મહિષેવાવ ગચ્છથઃ ।
સજોષસા ઉષસા સૂર્યેણ ચ ત્રિર્ વર્તિર્ યાતમ્ અશ્વિના ॥

હંસાવ્ ઇવ પતથો અધ્વગાવ્ ઇવ સોમં સુતમ્ મહિષેવાવ ગચ્છથઃ ।
સજોષસા ઉષસા સૂર્યેણ ચ ત્રિર્ વર્તિર્ યાતમ્ અશ્વિના ॥

શ્યેનાવ્ ઇવ પતથો હવ્યદાતયે સોમં સુતમ્ મહિષેવાવ ગચ્છથઃ ।
સજોષસા ઉષસા સૂર્યેણ ચ ત્રિર્ વર્તિર્ યાતમ્ અશ્વિના ॥

પિબતં ચ તૃપ્ણુતં ચા ચ ગચ્છતમ્ પ્રજાં ચ ધત્તં દ્રવિણં ચ ધત્તમ્ ।
સજોષસા ઉષસા સૂર્યેણ ચોર્જં નો ધત્તમ્ અશ્વિના ॥

જયતં ચ પ્ર સ્તુતં ચ પ્ર ચાવતમ્ પ્રજાં ચ ધત્તં દ્રવિણં ચ ધત્તમ્ ।
સજોષસા ઉષસા સૂર્યેણ ચોર્જં નો ધત્તમ્ અશ્વિના ॥

હતં ચ શત્રૂન્ યતતં ચ મિત્રિણઃ પ્રજાં ચ ધત્તં દ્રવિણં ચ ધત્તમ્ ।
સજોષસા ઉષસા સૂર્યેણ ચોર્જં નો ધત્તમ્ અશ્વિના ॥

મિત્રાવરુણવન્તા ઉત ધર્મવન્તા મરુત્વન્તા જરિતુર્ ગચ્છથો હવમ્ ।
સજોષસા ઉષસા સૂર્યેણ ચાદિત્યૈર્ યાતમ્ અશ્વિના ॥

અઙ્ગિરસ્વન્તા ઉત વિષ્ણુવન્તા મરુત્વન્તા જરિતુર્ ગચ્છથો હવમ્ ।
સજોષસા ઉષસા સૂર્યેણ ચાદિત્યૈર્ યાતમ્ અશ્વિના ॥

ઋભુમન્તા વૃષણા વાજવન્તા મરુત્વન્તા જરિતુર્ ગચ્છથો હવમ્ ।
સજોષસા ઉષસા સૂર્યેણ ચાદિત્યૈર્ યાતમ્ અશ્વિના ॥

બ્રહ્મ જિન્વતમ્ ઉત જિન્વતં ધિયો હતં રક્ષાંસિ સેધતમ્ અમીવાઃ ।
સજોષસા ઉષસા સૂર્યેણ ચ સોમં સુન્વતો અશ્વિના ॥

ક્ષત્રં જિન્વતમ્ ઉત જિન્વતં નૄન્ હતં રક્ષાંસિ સેધતમ્ અમીવાઃ ।
સજોષસા ઉષસા સૂર્યેણ ચ સોમં સુન્વતો અશ્વિના ॥

ધેનૂર્ જિન્વતમ્ ઉત જિન્વતં વિશો હતં રક્ષાંસિ સેધતમ્ અમીવાઃ ।
સજોષસા ઉષસા સૂર્યેણ ચ સોમં સુન્વતો અશ્વિના ॥

અત્રેર્ ઇવ શૃણુતમ્ પૂર્વ્યસ્તુતિં શ્યાવાશ્વસ્ય સુન્વતો મદચ્યુતા ।
સજોષસા ઉષસા સૂર્યેણ ચાશ્વિના તિરોઅહ્ન્યમ્ ॥

સર્ગાઁ ઇવ સૃજતં સુષ્ટુતીર્ ઉપ શ્યાવાશ્વસ્ય સુન્વતો મદચ્યુતા ।
સજોષસા ઉષસા સૂર્યેણ ચાશ્વિના તિરોઅહ્ન્યમ્ ॥

રશ્મીઁર્ ઇવ યચ્છતમ્ અધ્વરાઁ ઉપ શ્યાવાશ્વસ્ય સુન્વતો મદચ્યુતા ।
સજોષસા ઉષસા સૂર્યેણ ચાશ્વિના તિરોઅહ્ન્યમ્ ॥

અર્વાગ્ રથં નિ યચ્છતમ્ પિબતં સોમ્યમ્ મધુ ।
આ યાતમ્ અશ્વિના ગતમ્ અવસ્યુર્ વામ્ અહં હુવે ધત્તં રત્નાનિ દાશુષે ॥

નમોવાકે પ્રસ્થિતે અધ્વરે નરા વિવક્ષણસ્ય પીતયે ।
આ યાતમ્ અશ્વિના ગતમ્ અવસ્યુર્ વામ્ અહં હુવે ધત્તં રત્નાનિ દાશુષે ॥

સ્વાહાકૃતસ્ય તૃમ્પતં સુતસ્ય દેવાવ્ અન્ધસઃ ।
આ યાતમ્ અશ્વિના ગતમ્ અવસ્યુર્ વામ્ અહં હુવે ધત્તં રત્નાનિ દાશુષે ॥