ઋગ્વેદ · અધ્યાય 8.034

એન્દ્ર યાહિ હરિભિર્ ઉપ કણ્વસ્ય સુષ્ટુતિમ્ ।
દિવો અમુષ્ય શાસતો દિવં યય દિવાવસો ॥

આ ત્વા ગ્રાવા વદન્ન્ ઇહ સોમી ઘોષેણ યચ્છતુ ।
દિવો અમુષ્ય શાસતો દિવં યય દિવાવસો ॥

અત્રા વિ નેમિર્ એષામ્ ઉરાં ન ધૂનુતે વૃકઃ ।
દિવો અમુષ્ય શાસતો દિવં યય દિવાવસો ॥

આ ત્વા કણ્વા ઇહાવસે હવન્તે વાજસાતયે ।
દિવો અમુષ્ય શાસતો દિવં યય દિવાવસો ॥

દધામિ તે સુતાનાં વૃષ્ણે ન પૂર્વપાય્યમ્ ।
દિવો અમુષ્ય શાસતો દિવં યય દિવાવસો ॥

સ્મત્પુરંધિર્ ન આ ગહિ વિશ્વતોધીર્ ન ઊતયે ।
દિવો અમુષ્ય શાસતો દિવં યય દિવાવસો ॥

આ નો યાહિ મહેમતે સહસ્રોતે શતામઘ ।
દિવો અમુષ્ય શાસતો દિવં યય દિવાવસો ॥

આ ત્વા હોતા મનુર્હિતો દેવત્રા વક્ષદ્ ઈડ્યઃ ।
દિવો અમુષ્ય શાસતો દિવં યય દિવાવસો ॥

આ ત્વા મદચ્યુતા હરી શ્યેનમ્ પક્ષેવ વક્ષતઃ ।
દિવો અમુષ્ય શાસતો દિવં યય દિવાવસો ॥

આ યાહ્ય્ અર્ય આ પરિ સ્વાહા સોમસ્ય પીતયે ।
દિવો અમુષ્ય શાસતો દિવં યય દિવાવસો ॥

આ નો યાહ્ય્ ઉપશ્રુત્ય્ ઉક્થેષુ રણયા ઇહ ।
દિવો અમુષ્ય શાસતો દિવં યય દિવાવસો ॥

સરૂપૈર્ આ સુ નો ગહિ સમ્ભૃતૈઃ સમ્ભૃતાશ્વઃ ।
દિવો અમુષ્ય શાસતો દિવં યય દિવાવસો ॥

આ યાહિ પર્વતેભ્યઃ સમુદ્રસ્યાધિ વિષ્ટપઃ ।
દિવો અમુષ્ય શાસતો દિવં યય દિવાવસો ॥

આ નો ગવ્યાન્ય્ અશ્વ્યા સહસ્રા શૂર દર્દૃહિ ।
દિવો અમુષ્ય શાસતો દિવં યય દિવાવસો ॥

આ નઃ સહસ્રશો ભરાયુતાનિ શતાનિ ચ ।
દિવો અમુષ્ય શાસતો દિવં યય દિવાવસો ॥

આ યદ્ ઇન્દ્રશ્ ચ દદ્વહે સહસ્રં વસુરોચિષઃ ।
ઓજિષ્ઠમ્ અશ્વ્યમ્ પશુમ્ ॥

ય ઋજ્રા વાતરંહસો ઽરુષાસો રઘુષ્યદઃ ।
ભ્રાજન્તે સૂર્યા ઇવ ॥

પારાવતસ્ય રાતિષુ દ્રવચ્ચક્રેષ્વ્ આશુષુ ।
તિષ્ઠં વનસ્ય મધ્ય આ ॥