ઋગ્વેદ · અધ્યાય 8.031

યો યજાતિ યજાત ઇત્ સુનવચ્ ચ પચાતિ ચ ।
બ્રહ્મેદ્ ઇન્દ્રસ્ય ચાકનત્ ॥

પુરોળાશં યો અસ્મૈ સોમં રરત આશિરમ્ ।
પાદ્ ઇત્ તં શક્રો અંહસઃ ॥

તસ્ય દ્યુમાઁ અસદ્ રથો દેવજૂતઃ સ શૂશુવત્ ।
વિશ્વા વન્વન્ન્ અમિત્રિયા ॥

અસ્ય પ્રજાવતી ગૃહે ઽસશ્ચન્તી દિવે-દિવે ।
ઇળા ધેનુમતી દુહે ॥

યા દમ્પતી સમનસા સુનુત આ ચ ધાવતઃ ।
દેવાસો નિત્યયાશિરા ॥

પ્રતિ પ્રાશવ્યાઁ ઇતઃ સમ્યઞ્ચા બર્હિર્ આશાતે ।
ન તા વાજેષુ વાયતઃ ॥

ન દેવાનામ્ અપિ હ્નુતઃ સુમતિં ન જુગુક્ષતઃ ।
શ્રવો બૃહદ્ વિવાસતઃ ॥

પુત્રિણા તા કુમારિણા વિશ્વમ્ આયુર્ વ્ય્ અશ્નુતઃ ।
ઉભા હિરણ્યપેશસા ॥

વીતિહોત્રા કૃતદ્વસૂ દશસ્યન્તામૃતાય કમ્ ।
સમ્ ઊધો રોમશં હતો દેવેષુ કૃણુતો દુવઃ ॥

આ શર્મ પર્વતાનાં વૃણીમહે નદીનામ્ ।
આ વિષ્ણોઃ સચાભુવઃ ॥

ઐતુ પૂષા રયિર્ ભગઃ સ્વસ્તિ સર્વધાતમઃ ।
ઉરુર્ અધ્વા સ્વસ્તયે ॥

અરમતિર્ અનર્વણો વિશ્વો દેવસ્ય મનસા ।
આદિત્યાનામ્ અનેહ ઇત્ ॥

યથા નો મિત્રો અર્યમા વરુણઃ સન્તિ ગોપાઃ ।
સુગા ઋતસ્ય પન્થાઃ ॥

અગ્નિં વઃ પૂર્વ્યં ગિરા દેવમ્ ઈળે વસૂનામ્ ।
સપર્યન્તઃ પુરુપ્રિયમ્ મિત્રં ન ક્ષેત્રસાધસમ્ ॥

મક્ષૂ દેવવતો રથઃ શૂરો વા પૃત્સુ કાસુ ચિત્ ।
દેવાનાં ય ઇન્ મનો યજમાન ઇયક્ષત્ય્ અભીદ્ અયજ્વનો ભુવત્ ॥

ન યજમાન રિષ્યસિ ન સુન્વાન ન દેવયો ।
દેવાનાં ય ઇન્ મનો યજમાન ઇયક્ષત્ય્ અભીદ્ અયજ્વનો ભુવત્ ॥

નકિષ્ ટં કર્મણા નશન્ ન પ્ર યોષન્ ન યોષતિ ।
દેવાનાં ય ઇન્ મનો યજમાન ઇયક્ષત્ય્ અભીદ્ અયજ્વનો ભુવત્ ॥

અસદ્ અત્ર સુવીર્યમ્ ઉત ત્યદ્ આશ્વશ્વ્યમ્ ।
દેવાનાં ય ઇન્ મનો યજમાન ઇયક્ષત્ય્ અભીદ્ અયજ્વનો ભુવત્ ॥