ઋગ્વેદ · અધ્યાય 8.025

તા વાં વિશ્વસ્ય ગોપા દેવા દેવેષુ યજ્ઞિયા ।
ઋતાવાના યજસે પૂતદક્ષસા ॥

મિત્રા તના ન રથ્યા3 વરુણો યશ્ ચ સુક્રતુઃ ।
સનાત્ સુજાતા તનયા ધૃતવ્રતા ॥

તા માતા વિશ્વવેદસાસુર્યાય પ્રમહસા ।
મહી જજાનાદિતિર્ ઋતાવરી ॥

મહાન્તા મિત્રાવરુણા સમ્રાજા દેવાવ્ અસુરા ।
ઋતાવાનાવ્ ઋતમ્ આ ઘોષતો બૃહત્ ॥

નપાતા શવસો મહઃ સૂનૂ દક્ષસ્ય સુક્રતૂ ।
સૃપ્રદાનૂ ઇષો વાસ્ત્વ્ અધિ ક્ષિતઃ ॥

સં યા દાનૂનિ યેમથુર્ દિવ્યાઃ પાર્થિવીર્ ઇષઃ ।
નભસ્વતીર્ આ વાં ચરન્તુ વૃષ્ટયઃ ॥

અધિ યા બૃહતો દિવો3 ઽભિ યૂથેવ પશ્યતઃ ।
ઋતાવાના સમ્રાજા નમસે હિતા ॥

ઋતાવાના નિ ષેદતુઃ સામ્રાજ્યાય સુક્રતૂ ।
ધૃતવ્રતા ક્ષત્રિયા ક્ષત્રમ્ આશતુઃ ॥

અક્ષ્ણશ્ ચિદ્ ગાતુવિત્તરાનુલ્બણેન ચક્ષસા ।
નિ ચિન્ મિષન્તા નિચિરા નિ ચિક્યતુઃ ॥

ઉત નો દેવ્ય્ અદિતિર્ ઉરુષ્યતાં નાસત્યા ।
ઉરુષ્યન્તુ મરુતો વૃદ્ધશવસઃ ॥

તે નો નાવમ્ ઉરુષ્યત દિવા નક્તં સુદાનવઃ ।
અરિષ્યન્તો નિ પાયુભિઃ સચેમહિ ॥

અઘ્નતે વિષ્ણવે વયમ્ અરિષ્યન્તઃ સુદાનવે ।
શ્રુધિ સ્વયાવન્ સિન્ધો પૂર્વચિત્તયે ॥

તદ્ વાર્યં વૃણીમહે વરિષ્ઠં ગોપયત્યમ્ ।
મિત્રો યત્ પાન્તિ વરુણો યદ્ અર્યમા ॥

ઉત નઃ સિન્ધુર્ અપાં તન્ મરુતસ્ તદ્ અશ્વિના ।
ઇન્દ્રો વિષ્ણુર્ મીઢ્વાંસઃ સજોષસઃ ॥

તે હિ ષ્મા વનુષો નરો ઽભિમાતિં કયસ્ય ચિત્ ।
તિગ્મં ન ક્ષોદઃ પ્રતિઘ્નન્તિ ભૂર્ણયઃ ॥

અયમ્ એક ઇત્થા પુરૂરુ ચષ્ટે વિ વિશ્પતિઃ ।
તસ્ય વ્રતાન્ય્ અનુ વશ્ ચરામસિ ॥

અનુ પૂર્વાણ્ય્ ઓક્યા સામ્રાજ્યસ્ય સશ્ચિમ ।
મિત્રસ્ય વ્રતા વરુણસ્ય દીર્ઘશ્રુત્ ॥

પરિ યો રશ્મિના દિવો ઽન્તાન્ મમે પૃથિવ્યાઃ ।
ઉભે આ પપ્રૌ રોદસી મહિત્વા ॥

ઉદ્ ઉ ષ્ય શરણે દિવો જ્યોતિર્ અયંસ્ત સૂર્યઃ ।
અગ્નિર્ ન શુક્રઃ સમિધાન આહુતઃ ॥

વચો દીર્ઘપ્રસદ્મનીશે વાજસ્ય ગોમતઃ ।
ઈશે હિ પિત્વો ઽવિષસ્ય દાવને ॥

તત્ સૂર્યં રોદસી ઉભે દોષા વસ્તોર્ ઉપ બ્રુવે ।
ભોજેષ્વ્ અસ્માઁ અભ્ય્ ઉચ્ ચરા સદા ॥

ઋજ્રમ્ ઉક્ષણ્યાયને રજતં હરયાણે ।
રથં યુક્તમ્ અસનામ સુષામણિ ॥

તા મે અશ્વ્યાનાં હરીણાં નિતોશના ।
ઉતો નુ કૃત્વ્યાનાં નૃવાહસા ॥

સ્મદભીશૂ કશાવન્તા વિપ્રા નવિષ્ઠયા મતી ।
મહો વાજિનાવ્ અર્વન્તા સચાસનમ્ ॥