ઋગ્વેદ · અધ્યાય 8.023

ઈળિષ્વા હિ પ્રતીવ્ય1ં યજસ્વ જાતવેદસમ્ ।
ચરિષ્ણુધૂમમ્ અગૃભીતશોચિષમ્ ॥

દામાનં વિશ્વચર્ષણે ઽગ્નિં વિશ્વમનો ગિરા ।
ઉત સ્તુષે વિષ્પર્ધસો રથાનામ્ ॥

યેષામ્ આબાધ ઋગ્મિય ઇષઃ પૃક્ષશ્ ચ નિગ્રભે ।
ઉપવિદા વહ્નિર્ વિન્દતે વસુ ॥

ઉદ્ અસ્ય શોચિર્ અસ્થાદ્ દીદિયુષો વ્ય્ અ1જરમ્ ।
તપુર્જમ્ભસ્ય સુદ્યુતો ગણશ્રિયઃ ॥

ઉદ્ ઉ તિષ્ઠ સ્વધ્વર સ્તવાનો દેવ્યા કૃપા ।
અભિખ્યા ભાસા બૃહતા શુશુક્વનિઃ ॥

અગ્ને યાહિ સુશસ્તિભિર્ હવ્યા જુહ્વાન આનુષક્ ।
યથા દૂતો બભૂથ હવ્યવાહનઃ ॥

અગ્નિં વઃ પૂર્વ્યં હુવે હોતારં ચર્ષણીનામ્ ।
તમ્ અયા વાચા ગૃણે તમ્ ઉ વઃ સ્તુષે ॥

યજ્ઞેભિર્ અદ્ભુતક્રતું યં કૃપા સૂદયન્ત ઇત્ ।
મિત્રં ન જને સુધિતમ્ ઋતાવનિ ॥

ઋતાવાનમ્ ઋતાયવો યજ્ઞસ્ય સાધનં ગિરા ।
ઉપો એનં જુજુષુર્ નમસસ્ પદે ॥

અચ્છા નો અઙ્ગિરસ્તમં યજ્ઞાસો યન્તુ સંયતઃ ।
હોતા યો અસ્તિ વિક્ષ્વ્ આ યશસ્તમઃ ॥

અગ્ને તવ ત્યે અજરેન્ધાનાસો બૃહદ્ ભાઃ ।
અશ્વા ઇવ વૃષણસ્ તવિષીયવઃ ॥

સ ત્વં ન ઊર્જામ્ પતે રયિં રાસ્વ સુવીર્યમ્ ।
પ્રાવ નસ્ તોકે તનયે સમત્સ્વ્ આ ॥

યદ્ વા ઉ વિશ્પતિઃ શિતઃ સુપ્રીતો મનુષો વિશિ ।
વિશ્વેદ્ અગ્નિઃ પ્રતિ રક્ષાંસિ સેધતિ ॥

શ્રુષ્ટ્ય્ અગ્ને નવસ્ય મે સ્તોમસ્ય વીર વિશ્પતે ।
નિ માયિનસ્ તપુષા રક્ષસો દહ ॥

ન તસ્ય માયયા ચન રિપુર્ ઈશીત મર્ત્યઃ ।
યો અગ્નયે દદાશ હવ્યદાતિભિઃ ॥

વ્યશ્વસ્ ત્વા વસુવિદમ્ ઉક્ષણ્યુર્ અપ્રીણાદ્ ઋષિઃ ।
મહો રાયે તમ્ ઉ ત્વા સમ્ ઇધીમહિ ॥

ઉશના કાવ્યસ્ ત્વા નિ હોતારમ્ અસાદયત્ ।
આયજિં ત્વા મનવે જાતવેદસમ્ ॥

વિશ્વે હિ ત્વા સજોષસો દેવાસો દૂતમ્ અક્રત ।
શ્રુષ્ટી દેવ પ્રથમો યજ્ઞિયો ભુવઃ ॥

ઇમં ઘા વીરો અમૃતં દૂતં કૃણ્વીત મર્ત્યઃ ।
પાવકં કૃષ્ણવર્તનિં વિહાયસમ્ ॥

તં હુવેમ યતસ્રુચઃ સુભાસં શુક્રશોચિષમ્ ।
વિશામ્ અગ્નિમ્ અજરમ્ પ્રત્નમ્ ઈડ્યમ્ ॥

યો અસ્મૈ હવ્યદાતિભિર્ આહુતિમ્ મર્તો ઽવિધત્ ।
ભૂરિ પોષં સ ધત્તે વીરવદ્ યશઃ ॥

પ્રથમં જાતવેદસમ્ અગ્નિં યજ્ઞેષુ પૂર્વ્યમ્ ।
પ્રતિ સ્રુગ્ એતિ નમસા હવિષ્મતી ॥

આભિર્ વિધેમાગ્નયે જ્યેષ્ઠાભિર્ વ્યશ્વવત્ ।
મંહિષ્ઠાભિર્ મતિભિઃ શુક્રશોચિષે ॥

નૂનમ્ અર્ચ વિહાયસે સ્તોમેભિઃ સ્થૂરયૂપવત્ ।
ઋષે વૈયશ્વ દમ્યાયાગ્નયે ॥

અતિથિમ્ માનુષાણાં સૂનું વનસ્પતીનામ્ ।
વિપ્રા અગ્નિમ્ અવસે પ્રત્નમ્ ઈળતે ॥

મહો વિશ્વાઁ અભિ ષતો3 ઽભિ હવ્યાનિ માનુષા ।
અગ્ને નિ ષત્સિ નમસાધિ બર્હિષિ ॥

વંસ્વા નો વાર્યા પુરુ વંસ્વ રાયઃ પુરુસ્પૃહઃ ।
સુવીર્યસ્ય પ્રજાવતો યશસ્વતઃ ॥

ત્વં વરો સુષામ્ણે ઽગ્ને જનાય ચોદય ।
સદા વસો રાતિં યવિષ્ઠ શશ્વતે ॥

ત્વં હિ સુપ્રતૂર્ અસિ ત્વં નો ગોમતીર્ ઇષઃ ।
મહો રાયઃ સાતિમ્ અગ્ને અપા વૃધિ ॥

અગ્ને ત્વં યશા અસ્ય્ આ મિત્રાવરુણા વહ ।
ઋતાવાના સમ્રાજા પૂતદક્ષસા ॥