ઋગ્વેદ · અધ્યાય 8.017

આ યાહિ સુષુમા હિ ત ઇન્દ્ર સોમમ્ પિબા ઇમમ્ ।
એદમ્ બર્હિઃ સદો મમ ॥

આ ત્વા બ્રહ્મયુજા હરી વહતામ્ ઇન્દ્ર કેશિના ।
ઉપ બ્રહ્માણિ નઃ શૃણુ ॥

બ્રહ્માણસ્ ત્વા વયં યુજા સોમપામ્ ઇન્દ્ર સોમિનઃ ।
સુતાવન્તો હવામહે ॥

આ નો યાહિ સુતાવતો ઽસ્માકં સુષ્ટુતીર્ ઉપ ।
પિબા સુ શિપ્રિન્ન્ અન્ધસઃ ॥

આ તે સિઞ્ચામિ કુક્ષ્યોર્ અનુ ગાત્રા વિ ધાવતુ ।
ગૃભાય જિહ્વયા મધુ ॥

સ્વાદુષ્ ટે અસ્તુ સંસુદે મધુમાન્ તન્વે3 તવ ।
સોમઃ શમ્ અસ્તુ તે હૃદે ॥

અયમ્ ઉ ત્વા વિચર્ષણે જનીર્ ઇવાભિ સંવૃતઃ ।
પ્ર સોમ ઇન્દ્ર સર્પતુ ॥

તુવિગ્રીવો વપોદરઃ સુબાહુર્ અન્ધસો મદે ।
ઇન્દ્રો વૃત્રાણિ જિઘ્નતે ॥

ઇન્દ્ર પ્રેહિ પુરસ્ ત્વં વિશ્વસ્યેશાન ઓજસા ।
વૃત્રાણિ વૃત્રહઞ્ જહિ ॥

દીર્ઘસ્ તે અસ્ત્વ્ અઙ્કુશો યેના વસુ પ્રયચ્છસિ ।
યજમાનાય સુન્વતે ॥

અયં ત ઇન્દ્ર સોમો નિપૂતો અધિ બર્હિષિ ।
એહીમ્ અસ્ય દ્રવા પિબ ॥

શાચિગો શાચિપૂજનાયં રણાય તે સુતઃ ।
આખણ્ડલ પ્ર હૂયસે ॥

યસ્ તે શૃઙ્ગવૃષો નપાત્ પ્રણપાત્ કુણ્ડપાય્યઃ ।
ન્ય્ અસ્મિન્ દધ્ર આ મનઃ ॥

વાસ્તોષ્ પતે ધ્રુવા સ્થૂણાંસત્રં સોમ્યાનામ્ ।
દ્રપ્સો ભેત્તા પુરાં શશ્વતીનામ્ ઇન્દ્રો મુનીનાં સખા ॥

પૃદાકુસાનુર્ યજતો ગવેષણ એકઃ સન્ન્ અભિ ભૂયસઃ ।
ભૂર્ણિમ્ અશ્વં નયત્ તુજા પુરો ગૃભેન્દ્રં સોમસ્ય પીતયે ॥